Mena Alexandra Suvari, nada en Newport o 13 de febreiro de 1979, é unha actriz e modelo estadounidense. Pouco despois de comezar a súa carreira de modelo, Suvari comezou a aparecer en pequenos papeis de televisión en emisións como Boy Meets World e High Incident.
O seu primeiro filme foi o drama Nowhere (1997). Acadou a fama internacional polo seu papel de Angela Hayes en American Beauty e como Heather Gardner en American Pie (ámbolos dous de 1999). Retomou o seu papel de Heather en American Pie 2 (2001) e American Reunion (2012). Tamén apareceu en The Rage: Carrie 2 (1999), Loser (2000), Sugar & Spice (2001), Spun (2002), Trauma (2004) e na serie da HBO Six Feet Under (2001–05). Suvari é modelo para Lancôme e aparece en anuncios de Lancôme Paris Adaptîve, ademais de saír en varias revistas e blogs de moda, como Vogue.
Notas
Véxase tamén
Ligazóns externas
Categoría:Actores de Rhode Island Categoría:Actores de Carolina do Sur Categoría:Nados en 1979 Categoría:Nados en Rhode Island Categoría:Estadounidenses de ascendencia estoniana Categoría:Estadounidenses de ascendencia grega