Alfred Sherwood Romer, nado o 28 de decembro de 1894 en White Plains, Nova York e finado o 5 de novembro de 1973, foi un paleontólogo e anatomista estadounidense especializado na evolución dos vertebrados.
Traxectoria Alfred Romer estudou no Amherst College de Amherst, Massachusetts, onde obtivo con honores o grao de Bachelor of Science, e despois na Universidade de Columbia, onde se graduou en bioloxía e obtivo o grao de doutor en zooloxía en 1921.
En 1923 Romer incorporouse ao departamento de xeoloxía e paleontoloxía da Universidade de Chicago como profesor adxunto e investigador. As súas colección achegaron importantes espécimes do paleozoico ao Museo Walker de Paleontoloxía.
En 1934 foi nomeado profesor de bioloxía da Universidade Harvard. E en 1946 foi tamén nomeado director do Museo de Anatomía Comparada de Harvard.
Romer foi un entusiasta investigador da evolución dos vertebrados. Comparando datos de paleontoloxía, anatomía comparada e embrioloxía, desentrañou os cambios básicos estruturais e funcionais que ocorreron durante a evolución dos peixes cara aos primeiros tetrápodos.
Libros Romer, A. S. (1933): Vertebrate Paleontology. University of Chicago Press, Chicago. (2ª ed. 1945; 3ª ed. 1966). Romer, A. S. (1933): Man and the Vertebrates. University of Chicago Press, Chicago. (2ª ed. 1937; 3ª ed. 1941; 4ª ed. retitulada The Vertebrate Story, 1949). Romer, A. S. (1949): The Vertebrate Body. W. B. Saunders, Philadelphia. (2ª ed. 1955; 3ª ed. 1962; 4ª ed. 1970). Romer, A. S. (1949): The Vertebrate Story. University of Chicago Press, Chicago (4ª ed. de Man and the Vertebrates). Romer, A. S. (1956): Osteology of the Reptiles. University of Chicago Press, Chicago. Romer, A. S. (1968): Notes and Comments on Vertebrate Paleontology. University of Chicago Press, Chicago. Romer, A. S. & T. S. Parsons (1977): The Vertebrate Body. 5ª ed. Saunders, Philadelphia. (6ª ed. 1985).
Abreviatura A abreviatura Romer emprégase para recoñecer a como autoridade na descrición e taxonomía en zooloxía.
Honores En xullo de 2007, Irmis et al. denominaron a unha especie de arcosaurio dinosauromorfo como Dromomeron romeri na súa honra.
Véxase tamén Ligazóns externas Biografía sucinta
Categoría:Científicos dos Estados Unidos de América Categoría:Zoólogos dos Estados Unidos de América Categoría:Alumnos da Universidade Columbia Categoría:Profesores da Universidade Harvard Categoría:Profesores da Universidade de Chicago Categoría:Membros da Royal Society Categoría:Medalla linneana