Radio Vitoria é unha emisora de radio pertencente ao Grupo Euskal Irrati Telebista (EITB), o ente público de comunicación que depende do Goberno Vasco. Emite en castelán dende Vitoria para todo o territorio arabés.
Fundada en 1934, foi adquirida en 1982 polo Goberno Vasco para que constituíse o embrión do que posteriormente sería o grupo de comunicación EITB. En 2000 sufriu unha renovación total das súas instalacións e un cambio de localización. A súa nova localización, no campus universitario, con amplos locais que comparte coa corresponsalía de ETB, a televisión do Grupo, e a utilización de modernas tecnoloxías dixitais póñena como referente no panorama dos medios de comunicación do territorio histórico.
Programación A súa programación é comercial e diversa, composta fundamentalmente pola información política e económica, os deportes, a cultura, o humor e o entretemento, moi vinculada a Vitoria e a Áraba. Entre os seus programas destacan: El mirador, magacine de actualidade e entretemento que ameniza as emisións pola mañá. Araba Gaur, magacine informativo cunha grande edición de 8 a 9:30, unha segunda de 13:30 a 15 h e unha edición vespertina de 19:30 a 20h. Alguien te está escuchando, actualidade e entretemento para as mañás da fin de semana. Los deportes, con especial seguimento ao Baskonia, un dos equipos estrelas da liga ACB de baloncesto, e ao Deportivo Alavés, equipo de fútbol da cidade. Radio Vitoria jazz, moi vinculada ao festival de Jazz de Vitoria-Gasteiz. Adoita emitir en directo os seus concertos estrelas. Mantén en antena os programas El Jazz todos os domingos ás 23 horas, e Club de Jazz todos os festivos ás once da noite.
Frecuencias Áraba Fresneda: 103.9 FM Santa Cruz de Campezo: 106.5 FM Vitoria: 104.1 FM
Biscaia Urduña: 92.8 FM
Véxase tamén Ligazóns externas Sitio web oficial
Categoría:Euskal Irrati Telebista Categoría:Emisoras de radio do País Vasco