Frei Juan Antonio Muñoz Salcedo, nado en Santisteban del Puerto (provincia de Xaén) o 26 de setembro de 1650 e finado o 5 de maio de 1728, foi un eclesiástico e catedrático español.
Traxectoria Fillo de Pedro Muñoz Ortega e de Dona Elvira Salcedo. Co nome de Juan de Santisteban ingresou o 17 de febreiro de 1670 nos Xerónimos de San Lorenzo do Escorial antes de cumprir os vinte anos, onde cursou os oito do Colexio. Era moi erudito en ciencias eclesiásticas e foi Catedrático de Sagrada Escritura e de Teoloxía Moral no Escorial, chegando a ser predicador do rei. Foi elixido prior do mosteiro de Santa Catalina de Talavera sendo reelixido ao rematar o primeiro trienio de mandato. Do priorado de San Lorenzo pasou a ser elixido polo rei Filipe V para ocupar o bispado de Mondoñedo, sendo confirmado polo constistorio romano o 20 de xullo de 1705 e tomando posesión da diocese o 2 de decembro dese mesmo ano. Morreu o 5 de maio de 1728.
Notas
Véxase tamén Outros artigos Antonio de Guevara
Categoría:Nados en 1650 Categoría:Nados na provincia de Xaén Categoría:Finados en 1728 Categoría:Bispos católicos de España Categoría:Relixiosos católicos de España Categoría:Personalidades sen imaxes Categoría:Xerónimos Categoría:Bispos da Igrexa católica latina Categoría:Bispos católicos do século XVIII