O aeroporto de Sylt é o aeroporto da illa alemá de Sylt, situado no municipio do mesmo nome. Opera principalmente voos estacionais de verán cara ás principais cidades de Alemaña, ademais de voos de aviación xeral e planadores.
Ás veces tamén é chamado aeroporto de Westerland/Sylt por Westerland, unha coñecida parte do municipio de Sylt pero que non é a localidade máis próxima ao aeroporto.
Historia A illa de Sylt vén sendo un famoso destino de vacacións dende comezos do século XX. O seu primeiro pequeno aeroporto construíuse xusto despois da primeira guerra mundial e en 1919 iniciáronse as primeiras rutas regulares cara a Weimar, Hamburgo e Berlín.
Durante a segunda guerra mundial traballouse extensivamente nas súas instalaciíns, ampliándoas para servir como base militar. Nos anos 60 o tráfico de vacacións regresou e desenvolveuse con forza a partir da década seguinte.
No ano 1990 o aeroporto de Sylt recibiu novo equipamento técnico ademais de incorporar novas instalacións para os pasaxeiros. A día de hoxe é capaz de operar avións de tamaño medio como o Boeing 737.
En xuño de 2015 Lufthansa CityLine anunciou a expansión dos seus servizos cara Sylt, pasando os seus voos dende Frankfurt e Múnic de ser estacionais a operarse durante todo o ano.
Aeroliñas e destinos
Véxase tamén Ligazóns externas Web do aeroporto
Notas
Sylt