A PO-264 (na provincia de Pontevedra), é unha estrada da Rede Secundaria da Xunta de Galicia que une as localidades de Paredes (Vilaboa) e Arcade (Soutomaior); atravesa os concellos de Vilaboa, Pontevedra e Soutomaior. Ten unha lonxitude de 3,57 quilómetros e iníciase nun cruzamento coa N-550 en Paredes (Vilaboa) e finaliza nun cruzamento coa N-550 en Arcade (Soutomaior).
Percorrido
A estrada é un tramo do antigo camiño real que ía de Tui a Santiago de Compostela. Nalgún tramo coincide coa ruta portuguesa do camiño de Santiago.
Sae desde Paredes, no concello de Vilaboa. Pasa por riba da antiga liña de tren Redondela-Pontevedra, en desuso desde 2013. Logo de entrar no concello de Pontevedra pasa por baixo do Eixe atlántico de alta velocidade. Cruza o regueiro de Cacheiro e o río Ulló na súa desembocadura na enseada de San Simón, e entra na Ponte (Ponte Sampaio) pola rúa dos heroes da batalla de Ponte Sampaio.
Cruza o río Oitavén pola ponte de Ponte Sampaio e chega a Arcade. Atravesa a vila pola avenida de Xosé Solla e prosegue pola rúa do Calvario até enlazar de novo coa N-550.
Galería de imaxes
Notas
Categoría:Estradas da rede secundaria de Galicia na provincia de Pontevedra Categoría:Vilaboa Categoría:Pontevedra Categoría:Soutomaior