A igrexa de Hellvi (sueco: Hellvi kyrka) é unha igrexa medieval luterana en Hellvi, na illa sueca de Gotland, pertencente á diocese de Visby.
Historia e arquitectura O portal do coro da igrexa de Hellvi ten unha inscrición rúnica que proclama que un home chamado Lafrans Botvidarson construíu o edificio. A parte máis antiga da igrexa é a torre. de estilo románico. A súa parte superior colapsou tras unha treboada no ano 1534 e por iso ten esa forma tan pouco común. A nave e o coro son de mediados do século XIII e mostran unha primeira forma do estilo gótico. A nave está dividida en dúas partes por dúas columnas centrais. O coro e cadrado e a igrexa carece de ábsida; o muro oriental ten un grupo de tres fiestras góticas.
O retablo leva as iniciais do rei sueco Carlos XII e a data de 1726. O púlpito é máis antigo, de 1633. Unha galería que no presente se atopa situada na esquina noroeste do interior foi construída en 1704 e pagada por 16 patróns de barco de Sønderborg, en Dinamarca, o que indica intensos contactos marítimos. Está decorada con pinturas dos apóstolos, Cristo e dous santos. A pía bautismal é o século XVII, pero ten un disco de cobre de 1704, que tamén foi un regalo dun patrón de Sønderborg.
A igrexa foi restaurada no ano 1926.
Galería de imaxes
Notas
Hellvi