Yad Vashem (en ) é un museo adicado a manter viva a memoria dos seis millóns de xudeus mortos no Holocausto durante a Shoah perpetrada polos nazis durante a segunda guerra mundial. Trátase do memorial oficial israelí, e foi establecido en 1953 pola Lei do Memorial. Foi deseñado polo arquitecto israelí Moshe Safdie, e está localizado en Har Hazikarón, nunha touticeira ao oeste de Xerusalén. miniatura|Escultura de Yad Vashem Contido O memorial consiste en diversos edificios: unha cámara da memoria, un museo histórico, unha galería de arte, os arquivos, o Val das Comunidades destruídas, a sala dos nomes, o memorial dos nenos e un centro educativo. Alberga obxectos auténticos, testemuñas do exterminio nazi e da vida xudía antes e despois do Holocausto. É considerado o centro de información máis importante do mundo sobre o Holocausto, cun arquivo que ten documentais, películas, máis de 200.000 fotografías e 62 millóns de documentos, libros e artigos sobre o maior xenocidio da Historia.
Recoñecemento O museo foi remodelada o 15 de marzo de 2005, coincidindo co 60 aniversario do fin da segunda guerra mundial (1939-1945), e o 12 de setembro de 2007 recibiu o premio Príncipe de Asturias da Concordia 2007.O Museo da Historia do Holocausto de Xerusalén, Premio da Concordia 2007 La Voz de Galicia. O xurado gabou ao museo Yad Vashem de Xerusalén polo seu incansable traballo na loita contra o odio, o racismo e a intolerancia.
Galería de imaxes
Notas
Véxase tamén
Outros artigos Segunda guerra mundial Ligazóns externas Información do Museo Histórico do Holocausto Concesión do Premio Príncipe de Asturias da Concordia 2007 ao Museo Histórico do Holocausto, El País, 12 de setembro de 2007. Yad Vashem - official website
Categoría:Museos Categoría:Holocausto Categoría:Premios Princesa de Asturias da Concordia