Mario Francisco Casariego Acevedo, nado o 13 de febreiro de 1909 nas Figueiras (Castropol) e finado o 15 de xuño de 1983 na Cidade de Guatemala, foi un relixioso español, arcebispo de Santiago de Guatemala dende 1964 até o seu pasamento. Traxectoria O 3 de outubro de 1930 profesou como membro dos Coéngos Regulares da Somasca, e o 19 de xullo de 1936 foi ordenado sacerdote por Mariano Rossell Arellano.
O 15 de novembro de 1958 foi nomeado bispo auxiliar de Santiago de Guatemala e bispo titular de Pudentiana. Recibiu a consagración episcopal de mans do papa Xoán XXIII o 27 de decembro.
O 12 de novembro de 1963 foi nomeado arcebispo coadxutor de Santiago de Guatemala e arcebispo titular de Perge. O 12 de decembro de 1964 sucedeu a Mariano Rossell como arcebispo metropolitano de Santiago de Guatemala.
O papa Paulo VI creouno cardeal co título de Cardeal-Presbítero de Santa Maria in Aquiro no consistorio do 28 de abril de 1969. Finou no cargo o 15 de xuño de 1983.
Categoría:Nados en 1909 Categoría:Nados en Castropol Categoría:Relixiosos católicos de España Categoría:Somascos Categoría:Arcebispos católicos de España Categoría:Bispos católicos de Guatemala Categoría:Arcebispos da Igrexa católica latina Categoría:Cardeais de España Categoría:Cardeais de Guatemala Categoría:Cardeais creados por Paulo VI