Rafael Domínguez Artime, nado en Pontevedra o 29 de maio de 1976, é un médico e político galego, candidato á alcaldía de Pontevedra polo Partido Popular nas eleccións de 2019. Voceiro do Partido Popular no Concello de Pontevedra. É vicepresidente do Partido Popular Provincial de Pontevedra e vicepresidente primeiro da Deputación de Pontevedra.
Traxectoria Estudou medicina na Universidade de Santiago de Compostela (1994-2000), especializouse en medicina interna no Hospital de Santo António do Porto. Foi profesor na Escola de Adestradores da Real Federación Galega de Fútbol (2009-2016). En 2007 entrou a traballar no Hospital Quirón Salud de Pontevedra, entón coñecido como Miguel Domínguez. Coordinador do Servizo de Medicina Interna do Hospital Quironsalud Miguel Domínguez. Vencellado ao Partido Popular, é concelleiro en Pontevedra dende 2015 e presidente da xunta local do PPG dende 2018.
En 2023 foi nomeado Vicepresidente Primeiro da Deputación de Pontevedra, deputado de Economía, Impulso ao emprego, Museo Provincial e Convento de Santa Clara.
Notas
Categoría:Nados en 1976 Categoría:Nados en Pontevedra Categoría:Médicos de Pontevedra Categoría:Concelleiros de Pontevedra Categoría:Concelleiros de Galicia polo PPdeG Categoría:Personalidades de Galicia sen imaxes Categoría:Alumnos da Universidade de Santiago de Compostela