O maior Charles Emil Bendire, nado o 27 de abril de 1836 en Bad König, Gran Ducado de Hessen e do Rin, Confederación Xermánica, e finado o 4 de febreiro de 1897 nos Estados Unidos, foi un militar do Exército dos Estados Unidos de América e un notábel ornitólogo.
Traxectoria Primeiros anos Nacido como Karl Emil Bender en Bad König, Gran Ducado de Hessen e do Rin, era o maior de seis fillos. Bender foi educado na casa até a idade de doce anos, e despois asistiu cinco anos a unha escola de teoloxía en Passy, cerca de París.
Karl abandonou a escola repentinamente e regresou á súa casa e, por consello dun amigo, el e o seu irmán Wilhelm Bender emigraron a Nova York en 1853. Ao chegaren, viron que o Novo Mundo non cumpría coas súas expectativas. Wilhelm Bender pronto navegou cara á súa casa, pero desapareceu ao caer ao mar pola borda do barco.
Carreira militar Despois da partida do seu irmán, Bender alistouse no Exército dos Estados Unidos á idade de dezaoito anos o 10 de xuño de 1854, cambiando o seu nome a Charles Bendire, abandonando o seu segundo nome por completo (aínda que Bendire máis tarde volvería a usar a inicial do seu segundo nome na correspondencia e en notas públicas, o seu nome legal oficial non contiña o segundo nome.
Bendire serviu durante cinco anos como soldado e, posteriormente, como cabo na Compañía D, dos Primeiros Dragóns. Despois de terminar o seu período de servizo, Bendire deixou o exército durante un ano, pero volveu a alistarse o 8 de xuño de 1860, sendo destinado á 4ª compañía de Cabalaría, onde foi sucesivamente administrador privado, sarxento e sarxento 1º, até que foi ascendido a 2º tenente da 2ª compañía de Infantaría o 18 de maio de 1864. Trasladouse ao 1º rexemento de Cabalaría o 9 de setembro de 1864 e, finalmente, foi ascendido a tenente (por "servizos meritorios" na batalla da estación de Trevilian durante a Guerra civil estadounidense), e despois a capitán, e logo a comandante (maior). Retirouse do exército o 24 de abril de 1886, por discapacidade contraída para o cumprimento do deber.
Ornitoloxía Inicialmente enviou cartas que conteñan as súas observacións ornitolóxicas a naturalistas estadounidenses como Joel A. Allen, Thomas M. Brewer, Elliott Coues e Robert Ridgway, que as publicarían en revistas científicas como o Bulletin of the Nuttall Ornithological Club e The American Naturalist. Porén, en 1877, comezou a publicar artigos baixo o seu propio nome.
A colección privada de 8 000 ovos de Bendire formou a base da colección de ovos na Smithsonian Institution, entón coñecida como U.S. National Museum, en Washington, D.C. Fixo novos descubrimentos sobre os hábitos de migración de varias aves e descubriu varias especies novas, entre elas Toxostoma bendirei.
En 1872, mentres patrullaba no centro de Arizona, comunicouse que Bendire arrebatou un ovo da rapaz Buteo albonotatus dun niño para a súa colección mentres estaba baixo o fogo dun explorador apache e asegurouno na súa boca até que puido regresar ao campamento. Díxose que rompeu un dente da súa boca a intentar extraer o ovo, debido ao seu gran tamaño.
Tamén publicou unha descrición temperá do Lost River sucker, hoxe coñecido como Deltistes luxatus, na revista Forest and Stream, mentres estaba destinado en Fort Klamath no centro-sur de Oregón. Neste artigo subministra descricións dos peixes reprodutores e dos indios modoc que capturaban estes peixes nun importante caladoiro de pesca ao longo do río Perdido (California).
Morte Bendire faleceu a causa da enfermidade de Bright á idade de 60 anos.
Honores Eponimia A especie Toxostoma bendirei, paseriforme da familia dos mímidos, foi así denominada na súa honra.
Abreviatura A abreviatura Bendire emprégase para recoñecer a como autoridade na descrición e taxonomía en zooloxía.
Notas
Véxase tamén
Ligazóns externas Charles Emil Bendire Papers, 1887-1894 from the Smithsonian Institution Archives. Merrill, J.C. In Memoriam: Charles Emil Bendire. The Auk, Jan. 1898, v. 15, no. 1. pp. 1–6. Obras de e sobre Charles Bendire en WorldCat.
Categoría:Científicos dos Estados Unidos de América Categoría:Zoólogos dos Estados Unidos de América Categoría:Militares dos Estados Unidos de América Categoría:Nados en 1836 Categoría:Nados en Hessen Categoría:Finados en 1897