A vida de Lazarillo de Tormes; e das súas fortunas e adversidades (orixinal en castelán La vida de Lazarillo de Tormes y de sus fortunas y adversidades), coñecida popularmente como Lazarillo de Tormes, é unha novela da literatura española de autoría anónima. Foi escrita en primeira persoa e encádrase no estilo epistolar (como unha soa e longa carta), cuxas edicións máis antigas das que se ten constancia datan de 1554. Características
Conta de forma autobiográfica a vida dun neno, Lázaro de Tormes, no século XVI, dende a súa nacenza, pasando pola súa infancia miserable e a súa voda, até a idade adulta. É unha obra precursora da novela picaresca por elementos tales como o realismo, a narración en primeira persoa, a estrutura itinerante, o servizo a varios amos e a ideoloxía moralizante e pesimista.
O Lazarillo de Tormes é un bosquexo irónico e desapiadado da sociedade da época, da cal amosa amosa os seus vicios e comportamentos hipócritas, sobre todo os dos cregos e relixiosos. Hai diferentes hipóteses acerca da autoría: probablemente o autor simpatizase cos postulados de Erasmo. Isto motivou que a Inquisición a prohibise e que, máis tarde, permitise a súa publicación pero expurgada. A obra no volveu ser publicada integramente até o século XIX.
miniatura| Tradución ao galego Os seus tradutores foron Pablo Cano, Iván Enríquez e Iria Sobrino a partir do texto fixado no orixinal castelán por Alfredo Rodríguez.
A súa publicación en 2019, nunha edición bilingüe galego-castelán, foi posibles grazas á colaboración entre o grupo de investigación de Didáctica das Linguas e Culturas da Universidade da Coruña co Centro Ramón Piñeiro para a Investigación en Humanidades.
Notas
Véxase tamén
Bibliografía
Outros artigos Bildungsroman La vida del Buscón
Ligazóns externas Portal consagrado ao Lazarillo de Tormes . El Lazarillo de Tormes na Historia da Literatura española . «Alfonso de Valdés, autor del Lazarillo de Tormes». Páxina sobre a hipótese de Rosa Navarro Durán respecto da autoría de Alfonso de Valdés . Pérez Vénzalá, Valentín «El Lazarillo sigue siendo anónimo. En respuesta a su atribución a Alfonso de Valdés», Espéculo. Revista de estudios literarios, n.º 27, xullo-outubro de 2004. Universidad Complutense de Madrid, edición dixital do 14 de xullo de 2004 .
Categoría:Obras literarias de 1554 Categoría:Novelas en castelán Categoría:Obras traducidas do castelán ao galego Categoría:Novela picaresca Categoría:Anticlericalismo Categoría:Epístolas