Bursaphelenchus é un xénero de vermes nematodos da orde dos afelénquidos.
A maioría das súas especies son micrófagos obrigados, pero algúns aliméntanse de madeira, con dúas especies, Bursaphelenchus cocophilus e o nematodo do piñeiro (B. xylophilus), que son economicamente significativas como pragas das palmeiras e dos piñeiros. Dado que as especies deste xénero adoitan seren difíciles de distinguir entre si, excepto por nematólogos adestrados con acceso a microscopios ou análises de secuencias de ADN, o xénero completo está sometido a corentena nalgúns países. Porén, estes nematodos establécense como organismos modelo para a bioloxía, a ecoloxía e a xenética do desenvolvemento dos nematodos.
No ano 2009, coñecíanse, segundo os autores, entre 70 e 90 especies no xénero. Porén, descríbense frecuentemente novos taxons.
Ecoloxía O xénero Bursaphelenchus contén unha única especie hermafrodita, B. okinawaensis, e máis de 100 especies gonocorísticas descritas. Algunhas especies ás veces son beneficiosas cando reducen a carga de fungos no interior da madeira, pero cando consomen o tecidos vexetais son coñecidas por causar a morte de árbores.
Estes nematodos son foréticos, e dispérsanse entre as árbores cando as súas larvas dauer son transportadas por insectos.As larvas dauer (do alemán Dauer, "duración") son un estadio que se presenta durante o desenvolvemento dalgúns nematodos como resposta a condicións ambientais adversas. Estas larvas caracterízanse principalmente porque durante este estadio non se alimentan e presentan una cutícula máis resistente que a das larvas do desenvolvemento regular do nematodo. As especies implicadas inclúen diversos tipos de escaravellos e de abellas que aniñan no chan. Non se coñecee ben o proceso de formación da larva dauer, pero é de interese investigalo porque é importante nas epidemias de enfermidades dos vexetais causadas por estes nematodos, como o nematodo do piñeiro.
Algunhas especies seleccionadas O xénero Bursaphelenchus inclúe, entre outras, as seguintes especies:
Bursaphelenchus abietinus Bursaphelenchus abruptus Bursaphelenchus africanus Bursaphelenchus anatolius Bursaphelenchus antoniae Bursaphelenchus arthuri Bursaphelenchus borealis Bursaphelenchus chitwoodi Bursaphelenchus clavicauda Bursaphelenchus cocophilus Bursaphelenchus conicaudatus Bursaphelenchus doui Bursaphelenchus eggersi Bursaphelenchus eremus Bursaphelenchus fraudulentus Bursaphelenchus fungivorus Bursaphelenchus gerberae Bursaphelenchus hellenicus Bursaphelenchus hildegardae Bursaphelenchus hofmanni Bursaphelenchus hunti Bursaphelenchus hylobianum Bursaphelenchus kevini Bursaphelenchus mucronatus Bursaphelenchus okinawaensis Bursaphelenchus paracorneolus Bursaphelenchus parvispicularis Bursaphelenchus pinasteri Bursaphelenchus piniperdae Bursaphelenchus platzeri Bursaphelenchus poligraphi Bursaphelenchus rainulfi Bursaphelenchus sachsi Bursaphelenchus seani Bursaphelenchus sexdentati Bursaphelenchus sinensis Bursaphelenchus singaporensis Bursaphelenchus thailandae Bursaphelenchus tusciae Bursaphelenchus vallesianus Bursaphelenchus xylophilus Bursaphelenchus yongensis
Notas
Véxase tamén
Bibliografía Gu, J. F.; He, J.; Wang, J. L. & Chen, X. F. (2014): "Bursaphelenchus posterovulvus sp. n. (Nematoda: Parasitaphelenchidae) in packaging wood from Singapore". Nematology 16 (4): 403–410. Resume. Gu, J. F.; Wang, N.; He, J.; |Wang, J. L.; Chen, X. F. & Wang, X. A. (2014): "Description of Bursaphelenchus yuyaoensis n. sp. (Nematoda: Aphelenchoididae) isolated from Pinus massoniana in China". Nematology 16 (4): 411–418. Resume. Tanaka, S. E.; Tanaka, R.; Akiba, M.; Aikawa, T.; Maehara, N.; Takeuchi, Y. & Kanzaki, N. (2014): "Bursaphelenchus niphades n. sp. (Tylenchina: Aphelenchoididae) amensally associated with Niphades variegatus (Roelofs) (Coleoptera: Curculionidae)". Nematology 16 (3): 259–281. Resume.
Outros artigos Nematodo do piñeiro Bursaphelenchus cocophilus
Ligazóns externas Bursaphelenchus na EOL. Bursaphelenchus no ITIS.
Categoría:Nematodos