Nándor Hidegkuti, nado o 3 de marzo de 1922, e finado o 14 de febreiro de 2002, foi un futbolista húngaro.
Traxectoria Hidegkuti xogou nunha posición revolucionaria para o seu tempo, como dianteiro centro atrasado, o que hoxe se chama comunmente mediapunta. Esta idea, propia do adestrador nacional húngaro Gusztáv Sebes facía tolear aos defensas que o marcaban, nunha época na cal as posicións dos xogadores no campo acostumaban a ficar sempre invariábeis.
É coñecido polo seu hat-trick á Inglaterra na famosa vitoria húngara por 6-3. En total, coa selección xogou 69 encontros e anotou 39 goles. Ó longo deses anos, tomou parte nas xestas do Equipo d'Ouro, coma o subcampionato do Mundial de 1954 e o Ouro Olímpico en 1952.
En canto á súa carreira nos clubs, estivo 14 anos no MTK, gañando 3 campionatos, en 1951, 1953 e 1958. Xa de adestrador, levou á Fiorentina ao título da Recopa de Europa de fútbol en 1961. Despois desfrutou dunha exitosa carreira como adestrador en Exipto.
Categoría:Nados en 1922 Categoría:Finados en 2002 Categoría:Futbolistas olímpicos de Hungría Categoría:Adestradores de fútbol de Hungría Categoría:Xogadores do MTK Budapest FC Categoría:Xogadores da selección de fútbol de Hungría Categoría:Adestradores do MTK Budapest FC Categoría:Adestradores do ACF Fiorentina Categoría:Adestradores do FC Tatabánya Categoría:Futbolistas nos Xogos Olímpicos de 1952 Categoría:Medallistas nos Xogos Olímpicos de 1952 Categoría:Medallistas olímpicos en fútbol Categoría:Medallistas olímpicos de ouro por Hungría Categoría:Xogadores do Mundial de Fútbol de 1954 Categoría:Xogadores do Mundial de Fútbol de 1958