Jesús Centeno Moyer, nado en Lugo o 27 de abril de 1967, é un ex-deportista galego, que competía en péntatlon moderno. Disputou os Xogos Olímpicos de 1992 en Barcelona.
É fillo do tamén deportista Leopoldo Centeno, irmán xemelgo de Leopoldo Centeno Moyer, tamén pentatleta olímpico, e irmán máis vello de Rafael Centeno, pentatleta e cociñeiro.
Traxectoria Seu pai Leopoldo practicara varios deportes, entre eles o baloncesto, chegando a militar no Breogán, a hípica ou o péntatlon moderno. Jesús comezou na hípica, pasando logo ao péntatlon, deporte que comezou a practicar en Toledo e no que empezou a destacar xunto ao seu irmán xemelgo Leopoldo e ao irmań menor, Rafael.
En 1985 entrou con Leopoldo na Residencia Blume de Barcelona e en 1988 acudiu aos Xogos Olímpicos de Seúl, como suplente de seu irmán e dos tamén irmáns Eduardo e Jorge Quesada. Nos Xogos Olímpicos de 1992 formou no equpo titular, xunto ao seu irmán xemelgo e Carles Lerín, acabando na 12ª posición. Na proba individual foi 27º.
Notas
Véxase tamén Ligazóns externas Datos do pentatleta no sitio web do Comité Olímpico Internacional . Datos do pentatletaen sports-reference.com. Arquivado dende o orixinal .
Categoría:Nados en 1967 Categoría:Deportistas de Lugo Categoría:Pentatletas olímpicos de Galicia Categoría:Pentatletas nos Xogos Olímpicos de 1992