Montserrat Vilà i Planella nada en Figueres en 1965, é unha ecoloxista que estuda principalmente os factores biolóxicos e ambientais que determinan a presenza e o éxito das plantas invasoras, así como os seus impactos ecolóxicos e económicos.
Traxectoria Doutorouse na Universidade Autónoma de Barcelona, baixo a dirección de Jaume Terradas, e presentou a súa tese en 1993. Entre 1994 e 1996 traballou como investigadora posdoutoral na Universidade de California en Berkeley . Posteriormente, traballou como profesora investigadora asociada ao CREAF e ensinou na Universidade de Barcelona, mantendo unha estreita relación coa Universidade de Berkeley.
En 2006 comezou a traballar na Estación Biolóxica de Doñana, onde é profesora investigadora dende 2010 e desde 2012 tamén é directora asociada. En 2014 foi unha das 47 persoas de nacionalidade española escollidas por Highly cited researcher, a lista da axencia Thomson Reuters onde aparecen os 3.215 científicos máis citados dos últimos 10 anos.
Premios e recoñecementos En 2021 foi galardoada co Premio Nacional de Investigación Alejandro Malaspina na área de Ciencias e Tecnoloxías dos Recursos Naturais.
Notas
Categoría:Nados en Figueres Categoría:Biólogos de España Categoría:Nados en 1965 Categoría:Alumnos da Universidade Autónoma de Barcelona Categoría:Profesores da Universidade de Barcelona