Anna Yúrievna Kikina (), nada en Novosibirsk o 27 de agosto de 1984, é unha enxeñeira rusa e cosmonauta seleccionada en 2012.
Traxectoria En 2005 completou un curso de instrutora de primeiros auxilios no Ministerio de Emerxencias de Rusia e en 2006 licenciouse con honores na facultade de enxeñería da Academia Estatal de Enxeñaría do Transporte Acuático de Novosibirsk, especializándose en Protección en Situacións de Emerxencia. No ano 2008 obtén a licenciatura en Economía e Xestión (Industria do Transporte) na mesma universidade.
Traballou como presentadora en Radio Siberia.
En 2012, ao saber que a Axencia Espacial Federal Rusa (Roscosmos) buscaba cosmonautas en formación, Anna decidiu presentarse. O proceso de selección durou preto dun ano, durante o cal o número de aspirantes baixou a 304, entre eles 43 mulleres. Entre as oito candidatas finalmente seleccionadas, foi a única muller. Na última selección foron seis os homes, e non se deron explicacións polos motivos de que Kíkina quedou fóra. Poucos días despois informouse de que a decisión sería revertida e Kíkina foi incluída de novo, sendo asignada ao posto de cosmonauta de proba en 2014, e comezou a súa preparación para voar ao espazo.
En xuño de 2020, o seu compañeiro cosmonauta Oleg Kononenko dixo que se espera que Kíkina voe na súa misión de outono de 2022 á Estación Espacial Internacional a bordo do Soyuz MS -22 e realice unha camiñada espacial durante a misión. Ao facelo, converteríase na quinta muller cosmonauta rusa en ir ao espazo. A corporación espacial estatal rusa anunciou o pasado 16 de marzo que Mattel presentou unha boneca que encarna a imaxe de Anna Kikina para a campaña "You Can Be Who You Want".
Notas
Categoría:Nados en 1984 Categoría:Astronautas de Rusia Categoría:Nados no óblast de Novosibirsk