A esculina (ás veces escrito aesculina) é un glicósido cumarínico que aparece de forma natural nas árbores das especies Aesculus hippocastanum (castiñeiro de Indias), Aesculus californica,C. Michael Hogan (2008) California Buckeye: Aesculus californica, GlobalTwitcher.com, N. Stromberg ed. no arbusto Bursaria spinosa, na dafnina (a resina verde escura de Daphne mezereum) e tamén na infusión de Taraxacum.
Usos
Como medicamento úsase ás veces como axente vasoprotector.Esculin. Drugs.com. Consultado o 11 de xuño de 2016.
A esculina tamén se usa no laboratorio de microbioloxía para a identificación de especies bacterianas como as dos xéneros Enterococcus e Listeria, ao engadirse a placas de ágar de cultivo. Por exemplo, todas as cepas de estreptococos do grupo D poden hidrolizar a esculina en bile ao 40%.
Test de hidrólise da esculina
A esculina incorpórase ao ágar de placas de cultivo bacteriano con citrato férrico e sales biliares (ágar de bile esculina).National Standard Methods MSOP 48 (Bile aesculin agar) and BSOPTP 2 (Aesculin hydrolysis test (UK)) Algunhas bacterias poden hidrolizar a esculina, o cal serve para a súa identificación. A hidrólise da esculina forma esculetina (6,7-dihidroxicumarina) e glicosa. A esculetina forma complexos de cor marrón escura ou negros co citrato férrico, o que permite a lectura do test.
O ágar de bile esculina é sementado coa bacteria e incubado a 37 °C durante 24 horas. A presenza dun halo marrón escuro ou negro indica que o test é positivo. Un test positivo pode producirse cando están presentes bacterias dos xéneros Enterococcus, Aerococcus e Leuconostoc,Qadri, S. M., Smith, J. C., Zubairi, S., & DeSilva, M. I. (1981). Esculin hydrolysis by Gram positive bacteria. A rapid test and it's comparison with other methods. Medical microbiology and immunology, 169(2), 67–74. https://doi.org/10.1007/BF02171773 . PMID 6783825 por exemplo. A esculina fluoresce baixo a luz ultravioleta (a lonxitudes de onda de 360 nm) e a hidrólise da esculina orixina a perda de dita fluorescencia.
Enterococcus normalmente dá positivo en só catro horas despois de ser inoculado.
miniatura|Espectro visible UV da esculina cun máximo de absorbancia a 346 nm
Advertencias A inxestión de esculina, normalmente por comer castañas do castiñeiro de Indias, que son tóxicas, igual que toda a planta, pode producir intoxicacións en persoas e animais.Poison control. Horse Chestnuts are Toxic
Notas
Categoría:Glicósidos