Ratu Wiliame Katonivere, nado en Suva o 20 de abril de 1964, é un político fixiano que desde o 12 de novembro de 2021 é o 6° presidente da República de Fiji.
Biografía Katonivere naceu o 20 de abril de 1964 no Colonial War Memorial Hospital en Suva, sendo o máis novo de sete irmáns. Asistiu á Draiba Fijian School antes de continuar a súa educación secundaria no Bua College. Casou con Filomena Katonivere e tiñan dous fillos e tres netos.
Foi xefe da provincia de Macuata desde 2013, sucedendo o seu irmán maior Aisea Katonivere, e anteriormente participou en iniciativas de conservación do Arrecife Cakaulevu.
Katonivere foi presidente do Pine Group of Companies de 2020 a 2021, que inclúe a Fiji Pine Limited, a Tropik Wood Industries Limited e a Tropik Wood Products Limited. Tamén é membro da xunta dos aeroportos de Fiji, a Fiji Sugar Corporation e a Rewa Rice Ltd.
O primeiro ministro Frank Bainimarama propuxo a Katonivere como presidente da República de Fiji o 21 de outubro de 2021. O Parlamento reuniuse ao día seguinte para votar sobre a súa presidencia. Katonivere obtivo 28 votos gañándolle á súa contendente do Partido Liberal Socialdemócrata, a deputada Teimumu Kepa. Antes de converterse en presidente, Katonivere renunciou a todos os seus postos directivos que ocupaba anteriormente.
Katonivere prestou xuramento como sexto presidente de Fiji o 12 de novembro de 2021, sucedendo a George Konrote. Aos 57 anos, é a persoa máis nova en asumir o cargo.
Notas
Categoría:Presidentes de Fiji Categoría:Nados en 1964 Categoría:Nados en Fiji