Gregorio Mayans y Siscar, nado en Oliva, Valencia, o 9 de maio de 1699 e finado na cidade de Valencia en 1781 foi un erudito, xurista, historiador e lingüista valenciano, principal representante, xunto co galego Benito Xerónimo Feijoo e os portugueses António Nunes Ribeiro Sanches e o Marqués de Pombal da primeira Ilustración na Península Ibérica.Fernando Durán López (2005), Vidas de sabios: el nacimiento de la autobiografía moderna en España (1733-1848), Consejo Superior de Investigaciones Científicas (Anejos de Revista de Literatura, 65), pág. 119. ISBN 9788400083113
Estudou Dereito e Cultura clásica e se ocupou da Biblioteca Real. Mantivo correspondencia con intelectuais, participando en polémicas con eles. Era o irmán maior do, tamén, erudito Joan Antoni Maians (1718-1801), continuador da súa obra.
Traxectoria Gregorio Mayans y Siscar foi unha figura destacada na Ilustración da Península Ibérica. A súa obra é vasta e abarca múltiples campos, da filoloxía até a historia, mostrando un fondo interese pola literatura. Centrou a súa atención na tradición clásica e na recuperación e edición de textos antigos de autores valencianos. A súa correspondencia, na que intercambiou ideas con outros eruditos da época, serviu como un valioso rexistro da vida intelectual europea durante o período.
Ademais da súa paixón pola literatura e a historia, Mayans tamén se adentrou no campo xurídico, asinando como generosus valentinus. Buscou a renovación do pensamento relativo á Xustiza e o Dereito da súa época, subliñando a importancia da razón e da equidade.
Obra Dentro da súa produción, destaca Defensa de la historia, onde se pronuncia sobre a necesidade de exactitude e crítica no tratamento da historia, en oposición a relatos e interpretacións míticas ou nesgadas.
Notas
Véxase tamén
Outros artigos Ilustración
Categoría:Nados en 1699 Categoría:Ilustración (corrente intelectual) Categoría:Escritores de España Categoría:Escritores en lingua castelá Categoría:Finados en 1781