Alessio Miceli, nado en Roma o 30 de agosto de 1999, é un futbolista italiano que xoga como centrocampista na SD Logroñés, da Primeira División RFEF.
Traxectoria Formouse como futbolista na canteira da Lazio, onde ocupou diferentes posicións, desde mediocentro ofensivo ata defensa central. O 23 de novembro de 2017 debutou co primeiro equipo, nun empate a un gol ante o Vitesse na fase de grupos da Europa League, partido no que substituíu nos minutos finais ao serbio Dušan Basta.
En 2018 desvencellouse da Lazio e fichou polo Feralpisalò, da Serie C. Na tempada 2019/20 xogou cedido no Olbia, da mesma categoría, pasando a continuación ao Piacenza.
En xullo de 2021 fichou polo Dordrecht, co que xogou durante dúas campañas na Eerste Divisie. No verán de 2023 deixou os Países Baixos e instalouse en España, onde fichou pola SD Logroñés, da Primeira División RFEF.
Notas
Categoría:Nados en Roma Categoría:Nados en 1999 Categoría:Futbolistas de Italia Categoría:Centrocampistas de fútbol Categoría:Xogadores do SS Lazio Categoría:Xogadores do Piacenza Calcio Categoría:Xogadores do FC Dordrecht