A lingua nottoway, tamén chamada cheroenhaka, é unha lingua morta que pertence á familia iroquesa e que foi falada outrora polo pobo nottoway. O nottoway está estreitamente relacionado coa lingua tuscarora. As dúas tribos nottoway están recoñecidas polo estado de Virxinia: a Tribo India Nottoway de Virxinia e a Tribo India Cheroenhaka (Nottoway). Outros descendentes de nottoway viven en Wisconsin e o Canadá, onde algúns dos seus devanceiros fuxiron no século XVIII. A última falante coñecida, Edith Turner, morreu en 1838. O pobo nottoway está a traballar para a recuperación da lingua.
O coñecemento do nottoway procede principalmente dunha lista de palabras recollida o 4 de marzo de 1820. A carta manuscrita do daquela expresidente Thomas Jefferson a Peter S. Du Ponceau, o 7 de xullo de 1820, afirma que un vocabulario indio nottoway foi obtido o 4 de marzo de 1820 de Edith Turner, denominada como a súa "Raíña", por John Wood, un antigo profesor de Matemáticas no College of William and Mary. Du Ponceau recoñeceu inmediatamente a lingua como iroquesa, e escribiu que estaba "asombrado e impresionado pola súa decidida fisionomía iroquesa".Peter S. DuPonceau to Thomas Jefferson, 12 de xullo de 1820 , The Thomas Jefferson Papers, Series 1, The Library of Congress. Blair A. Rudes (1981) concluíu que o nottoway é unha lingua distinta da tuscarora, mais é a máis próxima ao tuscarora dentro do grupo iroqués.
Ademais do vocabulario recollido por John Wood, James Trezvant recompilou algunhas palabras adicionais.Encyclopedia Virginia
Notas
Categoría:Linguas iroquesas Categoría:Linguas dos Estados Unidos de América Categoría:Linguas mortas de América do Norte