Javier Avilés Cortés, nado en Madrid o 17 de agosto de 1997, é un futbolista español que xoga como centrocampista no Leganés da Primeira División.
Traxectoria Comezou a xogar ao fútbol no Coslada, debutando co primeiro equipo en 2015. Un ano despois fichou polo Atlético Baleares da Segunda División B, no que apenas contou con oportunidades. En xaneiro de 2017 fichou polo Pobla de Mafumet, de Terceira División, e a continuación pasou polo Rayo Cantabria.
No mercado de inverno da tempada 2017/18 fichou polo CD Leganés, sendo asignado inicialmente ao equipo filial. O 30 de outubro de 2018 debutou co primeiro equipo do Leganés, nun partido da Copa do Rei ante o Rayo Vallecano. O 25 de agosto de 2019 debutou na Primeira División, nunha derrota por 0-1 ante o Atlético de Madrid. O 27 de xuño de 2020 marcou o seu primeiro gol na máxima categoría, na derrota do Leganés por 2-1 ante Osasuna.
En xaneiro de 2022 foi cedido ao Tondela da Primeira Liga de Portugal. Con este equipo chegou á final da Copa de Portugal antes de regresar ao Leganés. Na tempada seguinte volveu saír cedido en xaneiro, esta vez ao Lugo. Acumulou dúas cesións máis na tempada 2023/24, ao Amorebieta e ao Málaga CF
Notas
Categoría:Nados en 1997 Categoría:Nados en Madrid Categoría:Futbolistas da Comunidade de Madrid Categoría:Centrocampistas de fútbol Categoría:Xogadores do Málaga CF Categoría:Xogadores da SD Amorebieta Categoría:Xogadores do CD Tondela Categoría:Xogadores do CD Leganés B Categoría:Xogadores do CD Leganés Categoría:Xogadores do CD Lugo Categoría:Xogadores do Racing de Santander B Categoría:Xogadores do CD Atlético Baleares