Álvaro Carrillo Alacid, nado en Murcia o 6 de abril de 2002, é un futbolista español que xoga como defensa central no Eibar, da Segunda División.
Traxectoria Comezou a xogar ao fútbol na Escola de Fútbol Murcia Promesas, antes de pasar polas canteiras do Real Murcia e do Real Madrid.
Na tempada 2019/20 conquistou co equipo xuvenil do club branco a Liga Xuvenil da UEFA, tras derrotar na final ao Benfica.
Para a tempada 2020/21 subiu ao Real Madrid Castilla, co que debutou na Segunda División B o 25 de novembro de 2020, nun encontro fronte ao Atlético Baleares.
Nas seguintes tempadas afianzouse nas filas do filial na Primeira Federación, alternando as posicións de ambos os laterais e a defensa central. O 6 de xaneiro de 2024 debutou co primeiro equipo do Real Madrid, saíndo como titular nun encontro da Copa do Rei contra a Arandina no estadio El Montecillo.
En xullo de 2024 fichou polo Eibar, da Segunda División.
Notas
Categoría:Nados en Murcia Categoría:Nados en 2002 Categoría:Futbolistas da Rexión de Murcia Categoría:Defensas de fútbol Categoría:Xogadores do Real Madrid Castilla Categoría:Xogadores do SD Eibar Categoría:Xogadores da selección de fútbol de España sub-17 Categoría:Xogadores da selección de fútbol de España sub-19