Estevo I Sidarus, nado o 22 de febreiro de 1904 no Cairo e finado o 23 de agosto de 1987, foi un relixioso lazarista católico copto, patriarca de Alexandría entre 1958 e 1986, e cardeal. Traxectoria Naceu o 22 de febreiro de 1904 no Cairo. O 2 de xullo de 1939 foi ordenado sacerdote da Congregación da Misión.
O 9 de agosto de 1947 foi nomeado bispo auxiliar de Alexandría e bispo titular de Sais. Recibiu a consagración episcopal o 25 de xaneiro de 1948 de mans do patriarca Marcos II, e tivo como co-consagradores ao bispo de Asiut Alexandros Scandar e ao bispo maronita do Cairo Pietro Dib.
O 10 de maio de 1958 foi nomeado patriarca de Alexandría. O 22 de febreiro de 1965 o papa Paulo VI creouno cardeal. Como patriarca, participou no Concilio Vaticano Segundo, e como cardeal nas eleccións papais de Xoán Paulo I e Xoán Paulo II.
Retirouse o 24 de maio de 1986. Finou o 23 de agosto de 1987.
Categoría:Nados en 1904 Categoría:Nados no Cairo Categoría:Finados en 1987 Categoría:Relixiosos católicos de Exipto Categoría:Lazaristas Categoría:Bispos católicos de Exipto Categoría:Bispos da Igrexa católica copta Categoría:Bispos católicos do século XX Categoría:Cardeais creados por Paulo VI Categoría:Cardeais de Exipto