Bettina Inés Kadner Schilling nada en Madrid no ano 1946 é unha piloto de aviación española, de orixe alemá. Foi a primeira muller que en 1969 aos 22 anos, pilotou un avión de pasaxeiros en España e en Europa. Foi tamén a primeira muller comandante en 1972. Ambos os fitos coa compañía de voos chárter Spantax. Xubilouse traballando para Iberia en 2006.
Traxectoria De familia alemá, o seu avó, aínda que traballou durante a súa vida de arquitecto, foi piloto durante a Primeira Guerra Mundial. Os seus pais abandonaron Alemaña e instaláronse en Madrid tras a guerra. A súa nai, a artista Ute Kadner, tiña unha fábrica de mobles metálicos e importou unha máquina de sinalización de pistas de aterraxe nos aeroportos. Bettina tiña 12 anos cando empezou a acompañala no seu traballo, namorouse dos avións e decidiu ser piloto.
Comezou a prepararse a principios dos 60. Aos 18 anos, tras acabar o bacharelato, estudou nas escolas de aviación de Catro Ventos (Madrid) e de Alcantarilla (Murcia) e examinouse na Escola Nacional de Aeronáutica de Salamanca. Tras máis de cinco anos de estudo en outubro de 1969, con 22 anos, logrou o título de piloto comercial de primeira clase, conseguindo a modificación do regulamento que impedía ás mulleres pilotar avións comerciais.
Durante unha década foi a única muller nas cabinas de aviación civil españolas. A súa incorporación non foi fácil e en varias ocasións tivo que ouvir como algúns dos seus compañeiros dicíalle por radio "Betina, á cociña".
Tras terminar os seus estudos o primeiro problema por ser muller ao que se enfrontou foi á contratación. Nun principio pensou traballar en Iberia, algo que non foi posible. Tras varios meses de intento buscou traballo en Spantax, cofundada pola empresaria Marta Estades, unha das primeiras aeroliñas españolas que incluíu a mulleres nos seus persoais, onde foi admitida de inmediato. Entre as súas primeiras rutas estaba o Madrid - Las Palmas - Madrid nun Fokker Tamén foi copiloto nos modelos DC-6, DC-7 e DC-9 e pasou a ser comandante dun F-27 e dun Boeing 737.
En 1985 Kadner finalmente foi contratada por Iberia, onde empezou como segunda (copiloto). Ascendeu a comandante do modelo Airbus 320 en 1998, a bordo do que efectuou principalmente voos europeos.
Chegou a ser a primeira muller comandante en España e a segunda de Europa. Seguíronlle María Aburto e Rosa García Santolaya.
O seu último voo profesional foi en novembro de 2006.
Notas
Véxase tamén Ligazóns externas Arranz, Pilar (29/11/2014) "Solo mujeres en el vuelo IB 6831" El Mundo .
Categoría:Nados en 1946 Categoría:Nados en Madrid Categoría:Aviadores de España Categoría:Pioneiros da aviación