Xunio Galión (latín : Junius Gallio) foi un retórico romano e contemporáneo de Marco Anneo Séneca, cuxo fillo adoptou. Foi membro da gens Iunia. Traxectoria Era senador e fixo unha proposta ao Senado a favor dos pretorianos, pedindo que cando se retirasen do servizo puidesen ter asentos reservados no teatro. Tiberio, que sospeitaba que estaba pedindo isto só para gañar o favor dos militares, comezou a sospeitar del. Primeiro expulsouno do Senado e máis tarde enviouno ao exilio a Lesbos. Pero o emperador, pensando que había demasiada tranquilidade na illa grega, mandouno regresar a Roma, onde o tiveron baixo custodia na casa dun maxistrado. Foi executado por orde de Nerón segundo Dión Casio. Na súa xuventude foi amigo de Ovidio e, nunha ocasión, defendeu a Bátilo de Alexandría, un protexido de Mecenas. Parece que non foi un moi bo orador, pero publicou polo menos unha obra sobre retórica que se perdeu. Un Galión foi procónsul de Acaia, pero non se sabe se era a mesma persoa. Notas
Categoría:Gens Xunia Categoría:Personalidades sen imaxes Categoría:Nados no século -I Categoría:Finados en 39 Categoría:Escritores en lingua latina