Louis Blancard, nado en Marsella o 22 de setembro de 1831 e finado na mesma cidade o 26 de outubro de 1902, foi un numismático e arquiveiro francés
Traxectoria
Primeiros anos e formación Louis Blancard naceu o 22 de setembro de 1831 en Marsella,Roman, J. (1903). Páxina 183. fillo de Joséphine Désirée Pauline Barras e do comerciante do petróleo Lazare Joseph Thomas Blancard.Masson, P. (ed.). Les Bouches-du-Rhône: encyclopédie départementale. Vol. 2. Tomo XI. Archives départementales des Bouches-du-Rhône, Marsella. Páxina 78.
Cursou o seu ensino secundario no Lycée Thiers e de camiño comezou a traballar nun banco, onde se familiarizou coas moedas doutros países. Logo continuou os seus estudos e matriculouse na École Impériale des Chartes, onde se graduou en Arquivística e Paleografía o 5 de outubro de 1856,Serrure, R. (1899). Páxina 7."Nécrologie". En Annales du Midi. 15-88. 1903. Páxinas 256-257. cunha tese sobre o Consulado do Mar, publicada o ano seguinte.Véxase "(1857)" en "Publicacións". Nesta institución sería posteriormente profesor libre de Numismática.Serrure, R. (1899). Páxina 8.
Traxectoria profesional e como erudito O 23 de xaneiro de 1858 foi nomeado arquiveiro do departamento de Deux-Sèvres, e o 25 de maio dese mesmo ano arquiveiro do departamento de Bouches-du-Rhône, cargo que ocupou durante 43 anos.Chélini, J. et al. (dir.). Dictionnaire des marseillais Édisud, Marsella. Páxina 57. ISBN 2-7449-0254-3
En 1870, cando a guerra civil afectaba directamente a Marsella, a súa vixilancia, en colaboración con Joseph-François Laugier, impediu o saqueo das coleccións numismáticas da cidade que se conservaban no Gabinete de Moedas e Medallas de Marsella.
Foi elixido membro da Academia de Marsella o 18 de abril de 1861,Abbé Dassy (1877). L’académie de Marseille, ses origines, ses publications, ses archives, ses membres. Barlatier-Feissat, Marsella. Páxina 605. e foi secretario perpetuo desta institución a partir de 1889. Entre outras entidades e sociedades eruditas, tamén foi membro correspondente da Academia Vaucluse (1887), da Académie des inscriptions et belles-lettres (1884) e do Comité dos Traballos Históricos e Científicos, e pertenceu tamén á Sociedade Francesa de Numismática e á Sociedade Nacional de Anticuarios de Francia."Blancard,Marc Marie François Louis". Comité des travaux historiques et scientifiques (CTHS.fr).
En 1880 foi nomeado cabaleiro da Lexión de Honra."Blancard, Marc Marie François Louis". Archives Nationales (Leonore.archives-nationales.culture.gouv.fr).
Louis Blancard finou en Marsella o 26 de outubro de 1902, aos 71 anos.
Escolma de publicacións
(1857). "Du consul de mer et du consul sur mer". En Bibliothèque de l'École des chartes. Nº 18. Páxinas 427-438. miniatura|Ilustración de Iconographie des sceaux et bulles (1860).(1860). Iconographie des sceaux et bulles conservés dans la partie antérieure à 1790 des Archives départementales des Bouches-du-Rhône. Archives Départamentales, Marsella. (1868). Essai sur les monnaies de Charles Ier, comte de Provence. J. B. Dumoulin, París. (1876). Le Millarès, Étude sur une monnaie du XIIIe siècle, imitée de l'arabe par les chrétiens pour les besoins de leur commerce en pays maure. Barlatier, Marsella. (1880). Le Besant d'or sarrazinas pendant les Croisades. Barlatier-Feissat, Marsella. (1882). "Sur les Notations pondérales des patères d'Avignon et de Bernay, et La Livre Romaine". En Congrès Archéologique de France. XLVIII sesión. Société Française d'Archéologie. Tours. Páxina 144-172. (1882). Le trésor d'Auriol et les dieux nègres de la Grèce. Considérations sommaires. Achille Makaire, Aix-en-Provence. (1884). "Der Gros Tournois, eine Nachahmung des Sarrazinas von Acre christlicher Prägung. Ein Brief an Herrn Anatol von Barthélemy". En Zeitschrift für Numismatik. Vol. 11. Páxinas 39-41. (1884-1885). Documents inédits sur le commerce de Marseille au Moyen Age : contrats commerciaux du XIIIe siècle. Vol. 1 (1884); Vol. 2 (1885). Barlatier-Feissat, Marsella. (1898). "Sur les poids des anciennes provinces belges". En Revue belge de numismatique, Volume LIV. Páxinas 62-85. (1904). Recueil sur la numismatique grecque romaine et orientale, travaux divers réunis en volume. Barlatier, Marsella.
Notas
Véxase tamén
Bibliografía
Roman, J. (1903). "Nécrologie: M. Louis Blancard". En Revue numismatique. 4ª serie. Tomo VII. Páxinas 183-185. Serrure, R. (1899). "Louis Blancard". En Gazette numismatique française, 3. Páxinas 7-12.
Categoría:Nados en 1831 Categoría:Finados en 1902 Categoría:Nados en Marsella Categoría:Numismáticos de Francia Categoría:Arquiveiros Categoría:Sociedade de Anticuarios de Francia Categoría:Cabaleiros da Lexión de Honra Categoría:Alumnos da École des Chartes Categoría:Personalidades sen imaxes