O Soldón é un río galego, afluente do Sil pola súa marxe dereita, que ten todo o seu curso dentro da provincia de Lugo.
O río dá nome a dúas aldeas do concello de Quiroga: a do Soldón na parroquia da Seara, no seu curso alto, e mais a da Ponte Soldón na parroquia de Bendolla, xa xunto á súa desembocadura.
Percorrido Nace a 1160 m de altura, na serra dos Cabalos, na serra do Courel. Atravesa todo o concello de Quiroga nun percorrido de 20 km, para unirse ao Sil na Ponte Soldón, a uns 250 m de altitude. A súa conca ten unha área de 93 km2, e o seu caudal medio é de 2,6 m3/s. Ten como afluentes regatos de montaña. Durante o seu percorrido vai moi encaixado.
Afluentes Pola dereita Carrozo de Pinacedo Carrozo do Val de Parada Carrozo do Val Herboso Carrozo do Val da Cova Rego de Valdenabais Caborco do Inferno Regueiro das Calas
Pola esquerda Carrozo da Fervencia Carrozo das Lameiras Rego de Montouto Rego de Recheín Carrozo do Carroceiro Carrozo de Paínzo Río de Vilarmiel Regueiro do Barreiro Regueiro de Rocaboa
Soldón, Río