Manihi é un atol das Tuamotu, na Polinesia Francesa. Está situado ao noroeste do arquipélago, a 500 km de Tahití. É un atol ovalado de 27 km de longo e 8 km de ancho rodeado por moitos illotes e un paso ao interior da lagoa profundo e navegable. Cerca do paso, ao extremo suroeste, atópase a vila principal de Paeua, cun aeródromo. A poboación total é de 818 habitantes (datos do censo de 2007). Na lagoa hai moitas granxas de cultivo de perlas. É un dos primeiros lugares onde se comezou a cultivar as apreciadas perlas negra características das Tuamotu.
Probablemente foi poboado a partir do ano 600 dC. Atópanse dúas plataformas cerimoniais antigas, os marae polinesios, construídos con bloques de coral. Os primeiros europeos en chegar foron os neerlandeses Le Maire e Schouten, en 1616. Foi o primeiro lugar do Pacífico onde puideron proverse de auga, e chamárona Waterlandt (terra de auga).
miniatura|esquerda|200px|Manihi, lagoa e motu. miniatura|esquerda|200px|Casa na vila de Turipaoa.
Categoría:Atois de Tuamotu