El Intermedio é un programa de televisión producido por Globomedia e emitido pola cadea de televisión laSexta. Está presentado por El Gran Wyoming, coa colaboración de Sandra Sabatés, Thais Villas, Dani Mateo, Fernando González "Gonzo" e Usun Yoon. Este programa tamén ten a súa versión en Internet, a través de Second Life.
Historia do programa El Intermedio estreouse o 30 de marzo de 2006. O programa comezou sendo semanal, de dúas horas de duración, e máis tarde pasou a emitirse de luns a xoves, cunha duración diaria de 30 minutos. Unha das características do programa é a actitude crítica coa Igrexa Católica e coa cadea COPE.
Contido Trátase dun espazo de actualidade en clave de humor. No programa non só se narra o acaecido na actualidade, senón que tamén se critica e se parodia como o contan os demais medios de comunicación. Teñen cabida, por tanto, os grandes temas da actualidade semanal, ademais doutros temas. Todo o contido está relacionado co universo dos medios.
Invitados Entre a longa lista dos invitados que recibiu o programa dende a súa estrea están os galegos Pepe Domingo Castaño, Paula Vázquez e Cristina Saavedra entre outros. Tamén estiveron políticos como Carme Chacón, Gaspar Llamazares, Pedro Zerolo, Josep Antoni Duran i Lleida ou José Antonio Labordeta; actores como Elena Ballesteros, Fernando Tejero, Hugo Silva, Michelle Genner, José Coronado, Ariadna Gil, Leonor Watling, Antonio Resines, Malena Alterio ou Belén Rueda; xornalistas como Hilario Pino, Helena Resano ou Mamen Mendizábal e músicos como Pasión Vega, Malú, Alaska e Antonio Carmona.
Seccións Lo que España vota, va a Misa. Fritanga de medios: Beatriz Montañez presenta a actualidade diaria con dose de humor Expediente Iker: Cristina Peña satiriza o programa Cuarto Milenio, de Iker Jiménez, emitido pola cadea televisiva Cuatro. Todo sobre mi madre: Yolanda Ramos presenta esta sección na que os telespectadores envían críticas a Wyoming. Ademais de todo isto, Thais Villas e Usun Yoon adoitan facer entrevistas e reportaxes a pé de rúa.
Véxase tamén Ligazóns externas Páxina web da produtora do programa Globomedia
Intermedio Intermedio