Molène (Molenez en bretón) é unha localidade situada sobre illa francesa do mesmo nome no Mar de Iroise, ao longo da costa do departamento de Finistère, na Bretaña. Igual que a súa veciña Ouessant, segue estando habitada na actualidade.
Xunto con outros illotes anexos, constitúe a comuna de "Île-Molène".
Xeografía Molène é unha pequena illa de menos de 1 km de longo por 900 m de ancho, o que é unha superficie de 95 ha (0,95 km²). É a illa principal dun arquipélago de vinte illas (Balanec, Bannec, Béniguet, Morgol, Quéménès, Trielen...). A altitude máxima do arquipélago é de 26 m.
O arquipélago de Molène é desde 1988 "Reserva da Biosfera", atribuído pola UNESCO. Esta reserva atópase no límite do Parque Rexional de Armorique. Desta forma preténdese preservar a fraxilidade de certos lugares que poderían degradarse por sobrexplotación ou exceso de frecuentación turística durante a época estival.
Pódese acceder mediante barcos todo o ano desde os portos de Brest e de Le Conquet.
Demografía En 2006 quedaban 221 persoas residentes en Molène, cunha densidade de 291 habitantes/km².
Categoría:Illas do Atlántico Categoría:Illas da Bretaña