miniatura|dereita|James Agee traballou no guión da película A raíña de África de John Huston.
James Agee, nado en Knoxville, Tennessee, o 27 de novembro de 1909 e finado en Nova York o 16 de maio de 1955, foi un escritor estadounidense e un dos máis importantes críticos cinematográficos nos Estados Unidos entre 1930 e 1950.
Traxectoria Perdeu a seu pai aos seis anos nun accidente de automóbil, pasou a infancia en internados para rapaces sobre todo o Phillips Exeter Academy en Nova Hampshire. Licenciouse en Harvard, onde foi presidente de Harvard Advocate(1931), despois de se graduar escribiu para Time, The Nation e Forbes, en 1934 editou o seu primeiro e único volume de poesía, Permit me Voyage, escrito na maior parte durante os anos pasados en Harvard.
En 1936 comeza a traballar para Fortune, e no verán dese ano pasou seis semanas co fotógrafo Walker Evans vivindo cunha familia de granxeiros pobres en Alabama, os artigos nunca foron publicados en Fortune, pero apareceu como libro en 1941, Let Us Now Praise Famous Men.
Agee traballou como guionista para moitas películas de Hollywood, a máis importante foi A raíña de África de John Huston, baseada nunha novela de C.S. Forester, o que lle valeu o Oscar ó mellor guión adaptado.
En 1954 escribiu o guión de The Night of the Hunter, baseado nunha novela de Davis Grubb. En 1951 sufriu o primeiro dunha serie de ataques ao corazón, que non pararían ata a súa morte aos 45 anos.
A súa novela autobiográfica A Death in The Family 1957 gañou postumamente o Premio Pulitzer.
Obras Permit Me Voyage (1934) Let Us Now Praise Famous Men (1941) The Quiet One (1949) The Morning Watch (1951) A Death in the Family (1957) Agee on Film: Reviews and Comments (1958) Four Early Stories by James Agee (1964) The Collected Short Prose of James Agee (1968)
Categoría:Escritores en lingua inglesa Categoría:Escritores dos Estados Unidos de América Categoría:Guionistas dos Estados Unidos de América Categoría:Nados en Knoxville, Tennessee Categoría:Nados en 1909 Categoría:Finados en 1955 Categoría:Gañadores do Premio Pulitzer Categoría:Alumnos da Universidade Harvard