Wangechi Mutu (1972, Nairobi, Kenya) é unha artista que vive e traballa en Nova York. Mudouse a Nova York nos anos noventa para estudar Antropoloxía e Artes na Cooper Union (BFA, 1996) e na Universidade Yale (MFA, 2000).
A obra pictórica de Wangechi Mutu ten como tema central a pintura ou as colaxes de figuras femininas a partir da mestura de debuxos e fotografías de mulleres idealizadas das revistas de moda. O resultado son figuras retorcidas, contorsionadas de xeito grotesco e atormentado para trata-lo tema da marxinación por causas do sexo e da raza nun mundo global que, no fondo, mantén actualizada a violencia e a destrución dos períodos previos da historia.
A obra de Mutu foi exposta en galerías e museos de todo o mundo, como o San Francisco Museum of Modern Art, Miami Art Museum, Tate Modern de London, Kunstpalast Düsseldorf en Alemaña ou o Centre Pompidou de París.
Véxase tamén Ligazóns externas Galería de imaxes do autor
Categoría:Artistas de Kenya Categoría:Alumnos da Cooper Union Categoría:Alumnos da Universidade Yale Categoría:Nados en 1972 Categoría:Nados en Nairobi