O Colexio Profesional de Enxeñaría Técnica Informática de Galicia (CPETIG) é unha corporación de dereito público que aglutina os enxeñeiros de grao medio (titulados universitarios de ciclo curto) en Informática, os representa e traballa para organizar, protexer, mellorar e velar por un adecuado exercicio da profesión. Antecedentes e historia A informática foise constituíndo, ao longo das últimas décadas, como unha rama de importancia crecente e independente. Nace como disciplina académica, en 1969, coa creación do Instituto de Informática, dependente do Ministerio de Educación e Ciencia, ao se considerar que para o correcto exercicio profesional era preciso a obtención previa de formación técnica e profesional.
A través do Decreto 327/1976, do 26 de febreiro, establécese a necesidade de que as ensinanzas en informática se desenvolvan a través da educación universitaria e da formación profesional. Os reais decretos 1460/1990 e 1461/1990, do 26 de outubro, estableceron, respectivamente, os títulos universitarios oficiais de enxeñaría técnica en informática de xestión e de enxeñaría técnica en informática de sistemas, e aprobaron as directrices xerais propias dos plans de estudos conducentes á súa obtención. Posteriormente, a titulación da diplomatura en informática foi homologada á da enxeñaría técnica en informática polo Real decreto 1954/1994, do 30 de setembro.
A Asociación de Doutores, Licenciados e Enxeñeiros en Informática de Galicia (AEIG) e máis a Delegación en Galicia da Asociación de Doutores, Licenciados e Enxeñeiros en Informática (ALI Galicia) presentaron unha solicitude conxunta para a creación do Colexio Profesional de Enxeñaría Técnica en Informática de Galicia. O 1 de decembro aprobouse a Lei 8/2006 do Parlamento de Galicia, de Creación do Colexio Profesional de Enxeñaría Técnica en Informática de Galicia. Nesta Lei, na súa exposición de motivos, recóllese:
Suliña así mesmo a Lei que
Na Lei 8/2006 dáselles o mandato á AEIG e ALI Galicia para que designasen unha Comisión Xestora que debía presentar uns estatutos provisionais que regulasen a convocatoria e o funcionamento da asemblea constituínte, que debería aprobar os estatutos definitivos do Colexio e designar os seus órganos de goberno antes do 2 de xaneiro do 2008. A asemblea constituínte celebrouse o 14 de decembro do 2007, e nela aprobáronse os actuais estatutos e elixiuse a actual xunta de goberno.
Presidentes 2007 - 2010: Leticia Diz Bengochea 2010 - actualidade: Marcos Mata Mansilla
Véxase tamén Ligazóns externas Colexio Profesional de Enxeñaría Técnica en Informática de Galicia Lei 8/2006 de Creación do Colexio Profesional de Enxeñaría Técnica en Informática de Galicia
Categoría:Colexios profesionais