Steinar Schjøtt, nado o 13 de novembro de 1844 en Porsgrunn e finado o 11 de xaneiro de 1920 en Oslo, foi un tradutor, filólogo e lexicólogo noruegués.
Traxectoria Orixe e familia Seu pai foi o pastor e político Ole Hersted Schjøtt (1805-1848) e súa nai Anna Jacobine, nada Olrog,Opptegnelser fra det gamle Porsgrunn . e naceu en Porsgrunn onde seu pai era vigairo. Puxéronlle Stener Johannes Stenersen Schjøtt polo profesor de teoloxía Stener Johannes Stenersen. En 1845 a familia trasladouse a Skien. O seu irmán máis vello Peter Olrog foi un político e filólogo. Por matrimonio foi cuñado da escritora Mathilde Schjøtt e tío do xurista Sofie Schjøtt.
Carreira Steinar Schjøtt estudou na Universidade de Oslo en 1862, graduouse en 1870. Partidario do landsmål norueguisou o seu nome de Stener a Steinar. Foi profesor de secundaria en Halden e Skien, é sobre todo coñecido pola tradución do Heimskringla ó landsmål (1874-1879) que foi controvertida por non seguir as prescricións de Aasen, escribiu un libro escolar sobre a historia de Noruega, Norigs soga, til heimbruk og bruk for lærarar (1879) e dous importantes dicionarios Dansk-norsk ordbog (1909) e Norsk ordbok, med ordtyding paa norsk-dansk (1914).
Notas
Categoría:Lexicógrafos Categoría:Tradutores de Noruega Categoría:Escritores de Noruega Categoría:Tradutores ao noruegués Categoría:Nados no condado de Vestfold og Telemark Categoría:Nados en 1844 Categoría:Finados en 1920