A National Collegiate Athletic Association (NCAA) é unha asociación composta dunhas 1.200 institucións, conferencias, organizacións e individuos que organizan a maioría dos programas deportivos universitarios nos Estados Unidos de América. A súa sede atópase actualmente en Indianapolis, Indiana.
miniatura|dereita|350px|Oficinas centrais da NCAA, en Indianapolis, Indiana)
Historia A súa predecesora, a Asociación Intercolexial de Atletismo dos Estados Unidos (IAAUS polas súas siglas en inglés), foi fundada o 31 de marzo de 1906 para fixar as regras do deporte afeccionado nos Estados Unidos. A súa creación foi suxerida polo entón presidente Theodore Roosevelt como reacción á súa preocupación pola crecente cantidade de lesións serias e mortes no fútbol universitario. A IAAUS despois converteuse na NCAA en 1910.
Ata os anos 80, a asociación non ofrecía deportes femininos. En 1982, porén, todas as divisións da NCAA ofrecían campionatos nacionais para mulleres.
En agosto de 1973, a NCAA repartiu aos seus membros en 3 divisións: División I, División II e División III. Baixo as regras da NCAA, as universidades da División I e da División II poden ofrecer bolsas aos alumnos por practicar algún deporte. As universidades da División III por outro lado, non poden ofrecer esas bolsas.
A NCAA non é a única entidade do seu ámbito nos Estados Unidos, aínda que é a maior con diferenza, senón que tamén existe a National Association of Intercollegiate Athletics (NAIA). No Canadá opera a Canadian Interuniversity Sport (CIS). Organización miniatura|dereita|200px|Estandartes de Campións do 2006 colgando do NCAA Hall of Champions en Indianapolis. A estrutura lexislativa da NCAA está delegada en gabinetes e comités, formados por membros representantes das universidades. Estes, á súa vez, están divididos en sub-comités. Os regulamentos van dende alí ao Consello de Administración, que supervisa todos os gabinetes e comités, e que tamén inclúe a representantes das universidades, coma directores deportivos e asesores académicos. A lexislación do Consello de Administración pasa á Board of Directors, que está formado polos reitores das universidades, para a súa aprobación definitiva.
O cadro de persoal da NCAA proporciona soporte, actúa de guía, contacto, investigación e relación cos medios de comunicación. O presidente actual da NCAA é Myles Brand, antigo director da Universidade de Indiana.
Deportes Os deportes aprobados pola NCAA son: Masculino e feminino: Atletismo, baloncesto, campo a través, golf, lacrosse, fútbol, ximnasia artística, remo, voleibol, hóckey sobre xeo, wáter-polo, tenis, natación e saltos de trampolín. Só masculino: Béisbol, fútbol americano, e loita libre deportiva. Só feminino: Sóftbol, hóckey sobre herba, e birlos. Mixto: Esgrima, esquí alpino, e tiro.
Ata 1961 tamén se incluía o boxeo.
Noutros deportes universitarios que se practican e que non están supervisados pola NCAA, existen organizacións equivalentes que regulan a competición, como por exemplo: Deporte OrganizadorVelaInter-Collegiate Sailing Association of North America (ICSA)Hóckey a patínsNational Collegiate Roller Hockey Association (NCRHA)EquitaciónIntercollegiate Horse Show Association (IHSA)RugbyUSA RugbySquashUnited States College Squash Association (CSA)
Conferencias As 3 divisións agrupan aos seus membros en diferentes conferencias, que se poden ver nos artigos correspondentes a cada División: División I da NCAA División II da NCAA División III da NCAA
Ligazóns externas Web oficial da NCAA (En inglés)
Categoría:NCAA