O baixo saxón é unha varidedade do baixo alemán, que ten 5 millóns de falantes. É lingua rexional cooficial de 8 estados federados: Baixa Saxonia, Renania do Norte-Westfalia, Hamburgo, Schleswig-Holstein e Bremen. (A poboación do estado federado de Saxonia de hoxe en día non é realmente da pendente saxoa. Esta zona recibiu ese nome no século XVI debido a un matrimonio aristocrático para desgusto dos verdadeiros saxóns.)
O baixo saxón tamén é falado aproximadamente por un millón e medio de persoas nas provincias do noroeste dos Países Baixos. O baixo saxón está clasificado como "vulnerable" polo Libro Vermello das Linguas Ameazadas da UNESCO.
O baixo saxón polo mundo Os enclaves non europeos máis grandes do baixo saxón atópanse en América do Norte, sobre todo nos estados do medio oeste dos Estados Unidos. Tamén en América Latina, en Rusia e en Asia Central.
Historia O baixo saxón é o descendente do saxón antigo, que é tamén unha das linguas ancestrais do inglés e do escocés.
Despois da cristianización e da subxugación por parte Carlomagno, nación saxoa atopou a riqueza e o poder grazas ao comercio, sobre todo ao comercio marítimo. A extensión comercial da Liga Hanseática saxoa ao redor do Mar Báltico e na costa norueguesa, con representacións diplomáticas en Inglaterra, nos Países Baixos, en Bélxica e en Rusia, provocou unha extensión da lingua saxoa ao longo da maior parte da Idade Media. O saxón medio usábase como unha lingua franca internacional durante aquel período, e as súas influencias transformaron as linguas escandinavas. Ademais, durante e despois daquel período influíu o saxón medio no caxubio, o estoniano e as linguas bálticas.
Actualidade O baixo saxón é unha lingua fortemente fragmentada, recoñecida e protexida pola Unión Europea dende 1994. Actualmente, mesmo se pode utilizar como lingua administrativa en varios dos estados federados nos que goza de maior difusión. O seu código ISO segundo a norma ISO 639-2 é nds.
A pesar da súa oficialidade e debido ao predominio do idioma alto alemán, o baixo saxón estase a extinguir, sobrevivindo case unicamente na contorna rural.
Notas
Véxase tamén
Outros artigos Wikipedia en baixo saxón Baixo saxón neerlandés
Ligazóns externas Baixo Saxón en Ethnologue Listaxe de lingazóns Streektaal.net , información sobre os dialectos Baixo Saxóns Nu is de Welt platt! Procuras internacionais sobre Baixo Saxón Niederdeutsch/Plattdeutsch in Westfalen, by Olaf Bordasch; Mönsterlänner Plat, by Klaus-Werner Kahl Plattdeutsch heute Building Blocks of Low Saxon (Low German) , introdución á gramática en Inglés e Alemán
Categoría:Linguas xermánicas Categoría:Linguas de Alemaña Categoría:Linguas dos Países Baixos Categoría:Linguas de Dinamarca Categoría:Dialectos do alemán