Francisco del Valle-Inclán de los Santos, nado en Sobrán (Vilagarcía de Arousa) o 29 de febreiro de 1736 e morto en Santiago de Compostela en 1804, foi un persoeiro da Universidade de Santiago de Compostela. Colexial do Colexio de San Clemente e membro do seu Claustro, xogou un importante papel nas reformas universitarias postas en marcha polos Borbóns.
Traxectoria Tivo un importante papel no nacemento da Biblioteca da Universidade de Santiago de Compostela, da que foi o seu primeiro director entre 1774 e 1794. Tamén elaborou unhas recomendacións de funcionamento desta biblioteca e redactou os seus primeiros catálogos. Negociou co Consello de Castela diversas cuestións relacionadas coa posta en marcha do Plano de estudos de 1772, coa construción do novo edificio da Universidade, coa doazón da biblioteca de Felipe de Castro á Universidade de Santiago etc.
Foi membro da Real Sociedade Económica de Amigos do País de Santiago e o creador do primeiro xornal galego, El Catón Compostelano (1800).
Obras Instrucción para el establecimiento de la Biblioteca Pública de la Universidad de Santiago. Véxase tamén
Bibliografía
Ligazóns externas Cardalda Fernández, Teodomiro (2/5/2020). "Dº FRANCISCO ANTONIO DEL VALLE-INCLÁN SANTOS (VILAXOÁN SÉCULO XVIII E XIX)" toporroutou.wordpress.com
Categoría:Personalidades da Universidade de Santiago de Compostela Categoría:Nados en Vilagarcía de Arousa Categoría:Nados en 1736 Categoría:Finados en 1804