A acidose metabólica é un trastorno do equilibrio ácido-básico de orixe metabólica no que hai unha tendencia á acidemia (sangue cun pH ácido).
Para describir as acidoses metabólicas hai que ter en conta que, no ser humano, a cantidade de sodio debe ser igual á cantidade de ión cloruro, á de ión bicarbonato e mais o anión gap. O anión gap representa un conxunto de anións cuxas concentracións son moi reducidas en condicións normais: ácido láctico, cetoácidos, sulfatos etc.
Clasificación En función deste anión gap clasifícanse en: Acidose metabólica con anión gap aumentado: ocorre cando hai algún anión pertencente a esta anión gap cuxas concentracións están por riba do normal. Estes anións poden ser: Ácido láctico: a súa cantidade vese elevada nas infeccións graves, nas hipoxemias e, en menor grao, co exercicio físico. Cetoácidos: ocorre en pacientes diabéticos mal controlados, en alcólicos, malnutridos e tras un xaxún alongado. Ácidos orgánicos, como fosfatos ou sulfatos. Ácidos esóxenos: substancias que son ácidas per se ou algúns dos seus metabolitos. Ocorre nas intoxicacións por salicilatos ou por etilenglicol.
Acidose metabólica con anión gap normal: denomínanse así as acidoses metabólicas que cursan cun anión gap normal. Hipercloremias secundarias a un déficit de bicarbonato. Con tratamentos para alcalinizar os ouriños nas síndromes de lise tumoral.
Mecanismos de compensación A acidose metabólica provoca un estímulo para o Sistema nervioso central que incrementa a frecuencia respiratoria e a profundidade da mesma. Isto xera un descenso da presión parcial de CO2.
Manifestacións clínicas Son escasas e fundamentalmente débense á enfermidade causal da acidose. Se a acidose é grave pode aparecer somnolencia, cansazo e outras afeccións do sistema nervioso.
Véxase tamén
Outros artigos
Hiato aniónico
Categoría:Doenzas do sistema circulatorio