Fernando Sánchez Cipitria, coñecido como Fernando, nado en Madrid o 12 de setembro de 1971, é un exfutbolista español. Xogaba de centrocampista e foi internacional coa selección española.
Traxectoria Iniciouse no Real Madrid Castilla, onde permaneceu desde 1990 até 1995.
Na tempada 1995–96 debutou en Primeira División co Real Valladolid, adestrado por Rafa Benítez. Na tempada 1997–98 foi contratado polo Real Betis, onde permaneceu outras dúas tempadas. No club andaluz tivo a chamada da selección española.
Na tempada 1999–00 fichou polo Deportivo da Coruña, conseguindo o título de Liga desa campaña e a Supercopa antes do comezo da seguinte. No club coruñés non tivo demasiada continuidade, polo que na campaña 2001–02 foi cedido ao CA Osasuna, onde participou na práctica totalidade dos encontros. En 2002 foi cedido ao Hannover 96 alemán e en 2003 ao Córdoba CF, de Segunda División, onde se retirou tras xogar tan só 6 encontros.
Selección nacional En 1998 debutou coa selección española. O seu primeiro partido foi o 28 de xaneiro, xogando 10 minutos no encontro inaugural do Stade de France, en París, onde a selección española saíu derrotada (0–1).
Dous meses máis tarde xogou outro amigable en Vigo contra a Suecia, que rematou con vitoria (4–0).
Palmarés Deportivo Liga de España: 1999–00 Supercopa de España: 2000
Véxase tamén Ligazóns externas Datos do xogador en bdfutbol.com Estatísticas na Bundesliga
Categoría:Nados en 1971 Categoría:Nados en Madrid Categoría:Futbolistas da Comunidade de Madrid Categoría:Centrocampistas de fútbol Categoría:Xogadores do Real Madrid Castilla Categoría:Xogadores do Real Valladolid Categoría:Xogadores do Real Betis Balompié Categoría:Xogadores do Deportivo da Coruña Categoría:Xogadores do CA Osasuna Categoría:Xogadores do Hannover 96 Categoría:Xogadores do Córdoba CF Categoría:Xogadores da selección de fútbol de España