Lucas Robin "Luke" Ridnour, nado o 13 de febreiro de 1981 en Coeur d'Alene, Idaho, é un xogador profesional de baloncesto estadounidense que actualmente é axente libre. Cunha altura de 1,88 m, xoga na posición de base. É fillo de Rob Ridnour, adestrador de baloncesto.
Carreira High School Co Instituto Blaine gañou dous campionatos estatais e foi nomeado All-American por McDonald's e Parade en 2000, o ano da súa gradación.
Universidade Ridnour asistiu á Universidade de Oregón, onde era a estrela do equipo. Compartiu vestiario con Luke Jackson, actual xogador da NBA, e guiou en dúas ocasións aos Ducks ao torneo da NCAA, incluído ao Elite 8 en 2002. Posúe a marca de máis asistencias de Oregón con 218 e conseguiu a marca de conferencia de máis tiros libres anotados consecutivos (62). Abandonou Oregón tras o seu ano júnior (terceiro), cando foi nomeado xogador do ano da Pacific Ten Conference. Tras o seu último partido cos Ducks, o pavillón enteiro coreoulle "un ano máis". A pesar diso, Ridnour declarouse elixible para o Draft da NBA.
NBA Foi seleccionado por Seattle SuperSonics na 14ª posición do Draft de 2003, xogando con moderación no seu primeiro ano na liga. En 2005 participou no Rookie Challenge e no Skills Challenge do All-Star Weekend. Na súa segunda tempada xogou os 82 partidos de liga, todos eles de titular, facendo 10 puntos e 5,9 asistencias. Nos seus dúas seguintes campañas superou os 11 puntos de anotación en media e as 5 asistencias, converténdose na base titular do equipo. O seu mellor partido en anotación chegou o 13 de novembro de 2006, anotando 32 puntos ante New Jersey Nets.
O 13 de agosto de 2008 foi traspasado a Milwaukee Bucks nun traspaso a tres bandas que enviaba a Maurice Williams a Cleveland Cavaliers e cinco xogadores a Oklahoma City Thunder.Desmond Mason, Luke Ridnour included in trade O 21 de xullo de 2010 asinou un contrato cos Minnesota Timberwolves por catro anos e 16 millóns de dólares.
O 11 de xullo de 2013, os Bucks adquiriron de novo a Ridnour, nun traspaso entre tres equipos que levou a Kevin Martin dos Oklahoma City Thunder ós Minnesota Timberwolves.
O 20 de febreiro de 2014, Ridnour foi traspasado ós Charlotte Bobcats xunto a Gary Neal a cambio de Ramon Sessions e Jeff Adrien.
O 25 de xullo de 2014, Ridnour asinou cos Orlando Magic.Magic Sign Luke Ridnour
Notas
Véxase tamén Ligazóns externas Ficha en NBA.com Estatísticas de Luke Ridnour
Categoría:Nados en 1981 Categoría:Nados en Idaho Categoría:Xogadores de baloncesto da NBA Categoría:Xogadores de baloncesto dos Estados Unidos de América Categoría:Eleccións no Draft da NBA dos Seattle SuperSonics Categoría:Xogadores dos Seattle SuperSonics Categoría:Xogadores dos Milwaukee Bucks Categoría:Xogadores dos Minnesota Timberwolves Categoría:Xogadores dos Charlotte Bobcats Categoría:Xogadores dos Orlando Magic Categoría:Bases de baloncesto