O atún patudo (Thunnus obesus) é unha especie de peixe da orde dos perciformes, suborde dos escombroideos e familia dos túnidos, pertencente ao xénero Thunnus.Thunnus obesus (Lowe, 1839) no WoRMS.Thunnus obesus (Lowe, 1839) no ITIS.
Características É un peixe corpulento, que chega a acadar un peso de 210 kg.
Ten a primeira aleta dorsal de cor amarela forte, mentres que a segunda alerta dorsal e a anal son só amareladas.
O corpo é claro cunha faixa azul iridescente nos lados (visíbel só en exemplares vivos).
Bioloxía
Nutrición Aliméntase de peixes, crustáceos e cefalópodos, tanto de día, como durante a noite.
Reprodución e desenvolvemento Tanto os ovos como as larvas forman parte do plancto. Son peixes de crecemento rápido, a alcanzan unha idade máxima estimada de once anos.
Costumes Ten un comportamento peláxico, cos peixes de tamaños pequenos formando cardumes na superficie, mentres os adultos se concentran en augas profundas.
Distribución Atópase nas augas tropicais e subtropicais de todos os océanos, mais preferindo o intervalo de temperaturas entre os 17º e os 22 °C.?Thunnus obesus? no sitio web FishBase.org consultado o 17 de xuño de 2009.
Taxonomía Descrición Esta especie foi descrita por primeira en 1839 vez polo clérigo anglicano, escritor, botánico, ictiólogo e malacólogo inglés, especializado na flora, e máis na fauna (mariña) do arquipélago de Madeira Richard Thomas Lowe, baixo o nome de Thynnus obesus. Poesteriormente, cando o xénero Thynnus foi considerado como Thunnus foi reclasificado neste.
Sinónimos Ao longo da historia, a especie foi tamén coñecida polos sinónimos seguintes:
Germo obesus (Lowe, 1839) Germo sibi (Temminck & Schlegel, 1844) Neothunnus obesus (Lowe, 1839) Orcynus sibi (Temminck & Schlegel, 1844) Parathunnus mebachi (Kishinouye, 1915) Parathunnus obesus (Lowe, 1839) Parathunnus obesus mebachi (Kishinouye, 1915) Parathunnus sibi (Temminck & Schlegel, 1844) Thunnus abesus (Lowe, 1839) (incorrecto gramaticalmente) Thunnus mebachi Kishinouye, 1915 Thunnus obesus mebachi Kishinouye, 1915 Thunnus obesus sibi (Temminck & Schlegel, 1844) Thunnus sibi (Temminck & Schlegel, 1844) Thunus obesus (Lowe, 1839) (incorrecto gramaticalmente) Thynnus obesus Lowe, 1839 (basónimo) Thynnus sibi Temminck & Schlegel, 1844
Importancia económica Ten grande importancia para a pesca, sendo comercializado principalmente conxelado e enlatado; adquire un valor elevado para a produción de saximi. É considerado unha especie vulnerable pola IUCN.Uozumi, Y. (1996): Thunnus obesus. En: IUCN 2009. IUCN Red List of Threatened Species. Version 2009.1. <www.iucnredlist.org> . Consultada o 18 de xuño de 2009.
As capturas aumentaron liñalmente (aínda que con flutuacións) dende mediados do século XX até o ano 2000, cando se chegou a preto de 400 000 t en todo o mundo; os países que rexistran maiores capturas son o Xapón e Corea do Sur.Thunnus obesus no sitio web da FAO . Consultado o 18 de xuño de 2009..
Notas
Véxase tamén
Bibliografía Burton, Maurice & Robert Burton (1984): Encyclopedia of Fish. Saint Louis, EE.UU.: BPC Publishing. ISBN 0-7064-0393-2. Nelson, Joseph S. (2006): Fishes of the World. Nova York: John Wiley & Sons, Inc. ISBN 0-471-25031-7. Van der Land, J.; Costello, M. J.; Zavodnik, D.; Santos, R. S.; Porteiro, F. M.; Bailly, N.; Eschmeyer, W. N.; Froese, R. (2001): "Pisces", en: Costello, M. J. et al. (Eds.) European register of marine species: a check-list of the marine species in Europe and a bibliography of guides to their identification. París: Muséum national d'Histoire naturelle. Collection Patrimoines Naturels, 50. ISBN 2-85653-538-0, pp. 357–374.
Outros artigos Perciformes Escombroideos Escómbridos Thunnus
Ligazóns externas Thunnus obesus (Lowe, 1839) no WoRMS. Thunnus obesus (Lowe, 1839) no ITIS. Thunnus obesus na ADW. Thunnus obesus na EOL. Bigeye tuna (Thunnus obesus) en ARKive.
Categoría:Túnidos Categoría:Animais descritos en 1839 Categoría:Produtos da pesca