Vere Gordon Childe, nado en Sidney o 14 de abril de 1892 e finado en Monte Vitoria (Nova Gales do Sur, Australia), o 19 de outubro de 1957, foi un arqueólogo australiano.
Traxectoria Especialista na prehistoria europea dos milenios segundo e terceiro, foi catedrático de Arqueoloxía Prehistórica da Universidade de Edimburgo entre 1927 e 1946, director do Instituto de Arqueoloxía da Universidade de Londres, de 1946 a 1956 e membro da British Academy. É destacado pola súa visión materialista dialéctica, ou marxista, da prehistoria, sendo o máximo representante desta escola historiográfica neste eido.
Comezou a producir os seus primeiros estudos nun intre no que a prehistoria deixaba de ser unha disciplina estática, susceptible de parcialización e fragmentación. Childe consideraba o estudo da historia como dunha evolución dinámica, sen a cal non poderían entenderse as contradicións e paradoxos que compoñen a historia humana.
V. Gordon-Childe acuñou o termo «revolución neolítica», o paso dunha economía depredadora a outra produtora, así como a revolución urbana.
Obras The Danube in Prehistory (1929). The Bronze Age (1930). Skara Brae: A Pictish Village in Orkney (1931). The Forest Cultures of Northern Europe: A Study in Evolution and Diffusion (1931). The Continental Affinities of British Neolithic Pottery (1932). New Light on the Most Ancient East: The Oriental Prelude to European Prehistory (1935). The Prehistory of Scotland (1935). Man Makes Himself (1936, revisada en 1941, 1951). Prehistoric Communities of the British Isles (1940, 2ª ed. 1947). What Happened in History (1942). The Story of Tools (1944). Progress and Archaeology (1944). History (1947). Social Worlds of Knowledge (1949). Prehistoric Migrations in Europe (1950). Magic, Craftsmanship and Science (1950). Social Evolution (1951). Illustrated Guide to Ancient Monuments: Vol. VI Scotland (1952). Society and Knowledge: The Growth of Human Traditions (1956). Piecing Together the Past: The Interpretation of Archeological Data (1956). A Short Introduction to Archaeology (1956). The Prehistory of European Society (1958).
Véxase tamén Outros artigos Antropoloxía Arqueoloxía
Ligazóns externas Los orígenes de la civilización en La Enciclopedia de Ciencias y Tecnologías na Arxentina.
Categoría:Arqueólogos de Australia Categoría:Escritores de Australia Categoría:Nados en Sidney Categoría:Nados en 1892 Categoría:Finados en 1957