O Sikorsky S-76 é un modelo de helicóptero medio utilitario fabricado pola compañía estadounidense Sikorsky Aircraft, a fabricante do UH-60 Black Hawk. O S-76 ten dous motores turboeixo, un rotor principal de catro palas e tren de aterraxe retráctil.
Usuarios Son usuarios do modelo, servizos de preto de 30 países, entre eles os gardacostas da Xunta e o Exército do Aire español, sendo España e o Xapón dos poucos países nos que se lle dan os dous usos, o civil e o militar.
A versión militar opera, polo menos, en Arabia Saudita, a Arxentina, os Emiratos Árabes, España (8 unidades), Guatemala, Honduras, Iraq, Tailandia e o Xapón.
As versións civís voan, polo menos, en Australia, o Brasil, o Canadá, a China, os Estados Unidos, Galicia, Macau, México, Nova Zelandia, Panamá, o Reino Unido, Serbia, Suecia, Taiwán, Trinidad e Tobago e o Xapón.
O S-76 en Galicia En Galicia teñen a súa base, dende 2005, dúas unidades S-76C+ do Servizo de Gardacostas de Galicia da Consellería do Mar da Xunta de Galicia, o Pesca 1 (matrícula EC-JES) con base no Aeroporto de Vigo e o Pesca 2 (EC-JET) con base no Heliporto Costa Norte de Viveiro.Artigo en La Opinión A Coruña, 22-01-2009 .
Galería de imaxes
Notas
Véxase tamén
Ligazóns externas Blog (non oficial) do Pesca 1 . S-76C++ na páxina de Sikorsky Aircraft . Los ángeles del mar de Galicia han salvado ya a 1.321 náufragos, artigo en La Voz de Galicia, 11-08-2010 .
Categoría:Aeronaves de Sikorsky Categoría:Servizo de Gardacostas de Galicia Categoría:Helicópteros Categoría:Aeronaves co primeiro voo en 1977