O Middlesbrough Roller Hockey Club é un club de hóckey a patíns inglés da localidade de Middlesbrough que actualmente compite na máxima categoría do hóckey a patíns inglés, a Rink Hockey Premier League, competición que gañou en dúas ocasións dende 1974 (1979 e 1980).
Historia O club foi fundado en 1947, e inicialmente xogaba no Albert Park Victorian skating rink, unha pista ao aire libre, polo que resultaba difícil a práctica do hóckey a patíns durante o inverno ata a construción dun pavillón de terrazo.
O hóckey a patíns floreceu nos anos '50 e '60 e construíronse novos vestiarios.
En 1966 o Middlesbrough xogou contra o combinado nacional de Bélxica como parte das celebracións do Campionato do Mundo.
A finais dos anos '70 o equipo participou en competicións europeas, enfrontándose en 1978 ao La Vendéenne (Francia), sendo o primeiro partido europeo disputado en Inglaterra. Por outra banda, en 1979 o equipo inglés visitou a pista do Lichstad de Eindhoven (Países Baixos), nese mesmo ano o club acadou o seu primeiro título de liga, revalidándoo ao ano seguinte.
Na tempada 1980-81 a superficie tornouse perigosa e o club decidiu mudarse por causas de seguridade, disputando os seus partidos no Herlingsshaw Centre Eston ata a apertura do Rainbow Centre en 1985.
Palmarés 3 Ligas inglesas: 1979, 1980 2011 (dende 1974) 2 Copa de Inglaterra: 1995 e 2010
Véxase tamén
Categoría:Equipos de hóckey a patíns de Inglaterra