Avram Hershko (en húngaro: Herskó Ferenc), nado o 31 de decembro de 1937 en Karcag, Hungría, é un biólogo húngaro xudeu nacionalizado israelí. En 2004 foi galardoado co Premio Nobel de Química polo descubrimento da degradación proteínica causada pola ubiquitina.
Traxectoria Nado en Hungría, en 1950 emigrou coa súa familia a Israel. Graduouse en medicina en 1965 e doutorouse en bioloxía en 1969 na Facultade de Medicina Hassadah da Universidade Hebrea de Xerusalén.
Entre 1965 e 1967 foi membro das Forzas de Defensa Israelitas, onde desenvolveu tarefas de físico.
Actualmente é profesor distinguido no Rappaport Family Institute for Research in Medical Sciences do Technion (o Instituto Israelí de Tecnoloxía), en Haifa, e profesor adxunto de patoloxía na Universidade de Nova York.
Investigacións científicas Interesado na degradación proteínica, xunto a Aaron Ciechanover no seu laboratorio de investigación do Technion e en colaboración co estadounidense Irwin Rose, observou como esta degradación era regulada pola ubiquitina, unha pequena proteína que aparece de forma natural nas células eucariotas. Por este descubrimento, en 2004 foron galardoados Avram Hershko e Irwin Rose co Premio Nobel de Química.
Notas Hershko, A., Ciechanover, A., e Rose, I.A. (1979) "Resolution of the ATP-dependent proteolytic system from reticulocytes: A component that interacts with ATP". Proc. Natl. Acad. Sci. USA 76, pp. 3107-3110. Hershko, A., Ciechanover, A., Heller, H., Haas, A.L., e Rose I.A. (1980) "Proposed role of ATP in protein breakdown: Conjugation of proteins with multiple chains of the polypeptide of ATP-dependent proteolysis". Proc. Natl. Acad. Sci. USA 77, pp. 1783-1786.
Véxase tamén Ligazóns externas Páxina do Instituto Nobel, Premio Nobel de Química 2004 Autobiografía na páxina do Instituto Nobel 2004 Perfil de Avram Hershko en NNDB
esquerda|220px|miniatura|De esquerda á dereita: Irwin Rose, Avram Hershko e Aaron Ciechanover na cidade de Estocolmo en 2004 con motivo da entrega dos Premios Nobel.
Categoría:Premio Nobel de Química Categoría:Químicos de Hungría Categoría:Biólogos de Hungría Categoría:Nados en 1937 Categoría:Nados no condado de Jász-Nagykun-Szolnok Categoría:Alumnos da Universidade Hebrea de Xerusalén Categoría:Premios Nobel de Israel