Manuel Saco Pradeda, nado en Vila de Mouros (O Incio) e finado en Sarria o 14 de abril de 1937, foi un avogado e político galego.
Traxectoria Foi xuíz municipal de Sarria e representante de Pepe Benito na comarca nas primeiras décadas do século XX. Combativo durante a ditadura de Primo de Rivera, seguiu manexando os fíos da política local. Nos meses previos ao alzamento militar, o seu compromiso coa CEDA e os enfrontamentos e desacordos co concello, supuxeron o apedramento da súa casa e a destrución do mobiliario do Casino, e deron lugar a varias causas xudiciais contra sarriaos de esquerdas. Despois da sublevación do 18 de xullo de 1936, a través da actuación do seu fillo Manuel Saco Rivera en Burgos, mantivo a colaboración coas autoridades do novo Estado. Vida persoal
Casado con María Purificación Rivera López, era dono da Casa forte de Guerra ou Casa dos Saco Quiroga en Vila de Mouros.
O seu irmán, Pedro Sacro Pradeda, foi médico de asistencia domiciliaria, destacando pola súa filantropía, facéndose acredor do agradecemento dos sarriaos, que na década de 1950 lle dedicaron unha rúa.
Véxase tamén Ligazóns externas
Categoría:Políticos de Galicia Categoría:Nados no Incio Categoría:Personalidades de Galicia sen imaxes finados hai máis de 80 anos