Avelino Ponte Caride, nado en 1915 en Vigo e finado o 29 de xuño de 2011 na mesma cidade, foi un empresario galego.
Traxectoria
Desempeñou a presidencia do Celta de Vigo durante dúas tempadas do 1948 ao 1950, sendo substituído no cargo por Faustino Álvarez Álvarez. Chegou á máxima responsabilidade do club trala derrota ante o Sevilla FC na final da Copa do Xeneralísimo disputada o 4 de xullo de 1948. Correspondeulle reformar o equipo trala marcha dos principais xogadores do club despois da derrota na Copa, como a de Pahiño e Miguel Muñoz ao Real Madrid. Nesta labor contou coa colaboración de Luís Casas Pasarín que substituíu como adestrador a Ricardo Zamora.
Notas
Categoría:Nados en Vigo Categoría:Presidentes do Celta de Vigo Categoría:Nados en 1915 Categoría:Finados en 2011 Categoría:Personalidades de Galicia sen imaxes