Tiefland (en galego Terra baixa) é unha ópera nun prólogo e dous actos con música de Eugen d'Albert e libreto en alemán de Rudolf Lothar, baseada na obra teatral Terra baixa do escritor catalán Àngel Guimerà. Foi estreada o 15 de novembro de 1903 no Neue Deutsche Theater de Praga.
A ópera trata un tema realista. Nela, dous pastores (Pedro e Nando) alindan o gando nos Pireneos. Pedro desexa unha muller, polo que Tomás (un ancián aldeán) chega con Marta (amante forzosa do seu amo Sebastián) para que se converta na súa dona, mais Nando advírtelle dos perigos que lle esperan ao pé das montañas. Cando Pedro descobre a condición de Marta, queda desolado, mais axiña a perdoa. Xa casados, Marta négase a ceder aos desexos de Sebastián e incita a Pedro a que o mate. Tomás declara entón o matrimonio desfeito e durante un enfrontamento entre os dous, Pedro mata a Sebastián.
Esta ópera é pouco representada; nas estatísticas de Operabase aparece no posto n.º 168 das óperas representadas no período 2005-2010, sendo a 27.ª en Alemaña e a primeira de d'Albert, con 18 representacións no período, principalmente en Alemaña e Austria.
Personaxes PersonaxeTesituraElenco na estrea, 15 de novembro de 1903Director: Sebastián (rico terratenente)barítono Pedro (un pastor ao servizo de Sebastián) tenorMarta (amante de Sebastián, cortexada por Pedro)sopranoNuri (amiga de Marta) sopranoTomás (venerable ancián)baixoPepa (serventa de Sebastián)sopranoAntonia (serventa de Sebastián)mezzosopranoRosalía (serventa de Sebastián)contraltoMoruccio (un muiñeiro)baixoNando (un pastor)tenor
Bibliografía Keith Anderson, La Ópera de la A a la Z, Naxos (2002)
Categoría:Óperas de Eugen d'Albert Categoría:Óperas en alemán Categoría:Óperas estreadas en Praga Categoría:Óperas de 1903